Mádeniet jáne sport ministrliginiń Til saiasaty komiteti Bailanys jáne aqparat qyzmetkerleriniń kúnine orai «Memlekettik til jáne BAQ» respýblikalyq konkýrsyn jariialady, dep habarlaidy "Ult aqparat".
«Memlekettik til jáne BAQ» respýblikalyq konkýrsynyń qaǵidalary Qazaqstan Respýblikasynyń Bailanys jáne aqparat qyzmetkerleriniń kúnine orai baǵyttalǵan is-sharalardy ótkizý maqsatynda ázirlengen. Konkýrsty ótkizýdiń maqsaty memlekettik til saiasatyn buqaralyq aqparat quraldarynda nasihattaý, qazaqtildi kontentti arttyrý jáne memlekettik tildiń qoldaný aiasyn keńeitý bolyp tabylady. Konkýrs tórt nominatsiiadan turady: «Úzdik maqala», «Úzdik telebaǵdarlama», «Úzdik radiobaǵdarlama», «Úzdik sait maqalasy». Konkýrsqa memlekettik tildi damytý, nasihattaý, onyń qoldanys aiasyn arttyrý boiynsha BAQ-ta materialdar jariialaǵan jýrnalister qatysa alady. Aldyńǵy konkýrstardaǵy bas júldemen marapattalǵan jeńimpazdar Konkýrsqa qatystyrylmaidy», - dep jazdy ministrliktiń baspasóz hatshysy Aidar Qyryqbai Facebook paraqshasynda.
Konkýrsty ótkizý týraly habarlandyrý aldyn ala ministrliktiń saitynda ornalastyrylady.
