Sýret: Kolesa.kz
Jýrnalist Nazerke Sultanbek alaiaqtardyń qurbany boldy, dep habarlaidy "Ult aqparat" El.kz aqparattyq agenttigine silteme jasap.
Ol kóligin Almatydan Astanaǵa avtovozben jetkizbek bolǵan. Seniminen shyqqan alaiaqtar kóligin 5 aqpanda elordaǵa aparamyz dep ýáde etken. Keiin «Qaraǵandyda buzylyp turmyz» dep bir habaryn bergen, odan keiin telefondary sóndirýli. Sol ýaqyttary «kóligińdi urladyq, esepshotyma eki millon aqsha aýdarsań, temir tulpardyń qaida turǵanyn aitamyz» dep bázbireýler qońyraý shalǵan. Politsiiaǵa júginýdiń qajeti joǵyn da eskertipti, sebebi olardan eshqandai kómek bolmaidy-mys.
Qapyda kóliginen aiyrylǵan Nazerke Sultanbek Almaty qalasy Naýryzbai aýdany politsiia basqarmasyna eki ret shaǵym túsirgenmen, áli kúnge deiin esh jaýap bolmaǵan.
"Kez kelgen avtomobildi urlai beretinin túsindim. Meniki qymbat kólik emes, ishi tolǵan kiim-keshek, ydys edi. Jaqynda ǵana belgili blogerdiń de kóligi joǵalyp ketipti", - deidi zardap shegýshi jýranlist.
Ol áli de politsiiadan úmit úzbegenin aitady.
