Foto: depositphotos.com
Aqtóbe oblysynda politsiiadan qashqan kólikke qatysty oqiǵa áleýmettik jelide tarady. Videoda patrýldik politsiianyń toqtaý týraly talabyna baǵynbaǵan júrgizýshi keiinirek toqtap, tártip saqshylarymen sózge keliskeni kórinedi, dep habarlaidy Ult.kz.
Keiin belgili bolǵandai, kólik Qarǵaly aýdany ákiminiń orynbasarynyń júrgizýshisine tiesili bolǵan. Al oqiǵa kezinde sheneýniktiń ózi de kólikte jolaýshy retinde otyrǵany anyqtaldy.
Aqtóbe oblystyq politsiia departamentiniń málimetinshe, júrgizýshi politsiianyń zańdy talabyn oryndamai, qashýǵa áreket jasaǵan jáne qyzmettik mindetin atqarǵan politseilerge kedergi keltirgen. Ol ákimshilik jaýapkershilikke tartyldy.
Vedomstvonyń habarlaýynsha, beinejazbada aýdan ákiminiń orynbasary tarapynan tártip buzýshylyq dáleldenbegen. Degenmen is materialdary tiisti ýákiletti organǵa joldanǵan.
Osydan keiin Aqtóbe oblystyq ákimdigi Qarǵaly aýdany ákiminiń orynbasary qyzmetinen óz erkimen ketý týraly ótinish bergenin málimdedi. Onyń otstavkasy qabyldanǵan.
Ákimdik ókilderiniń aitýynsha, daýly jaǵdai júrgizýshiniń áreketine bailanysty týyndaǵan, al sheneýniktiń aty-jóni jariia etilmedi.
