Dástúrli ánshi Aqan Ábdýáliev T. Júrgenov atyndaǵy Qazaq ulttyq óner akademiiasynyń rektory bolyp taǵaiyndaldy. Bul týraly QR Mádeniet jáne sport ministrliginiń baspasóz qyzmetinen habarlady.
«Mádeniet jáne sport ministri Aqtoty Raiymqulovanyń buiryǵymen Aqan Ábdýáliev T. Júrgenov atyndaǵy óner akademiiasynyń rektory bolyp taǵaiyndaldy», - delingen resmi habarlamada.
Aqan Jylqyshybaiuly Ábdýáliev 1975 jyly týǵan. Qurmanǵazy atyndaǵy Qazaq Ulttyq Konservatoriiasyn jáne Almaty ekonomika jáne statistika akademiiasyn bitirgen.
Eńbek jolyn Súiinbai atyndaǵy Almaty oblystyq filarmoniiasynyń jeke oryndaýshysy bolyp bastaǵan. Ár jyldary «Qazaqkontsert» RMQK-da aspapta jeke oryndaýshy, J.Elebekov atyndaǵy estrada-tsirk kolledji men Qurmanǵazy atyndaǵy qazaq ulttyq konservatoriiasynyń oqytýshysy, A.Jubanov atyndaǵy respýblikalyq mektep internaty direktorynyń orynbasary, direktory, Jambyl atyndaǵy Qazaq memlekettik filarmoniiasynyń direktory laýazymdaryn atqarǵan.
2016 jyldyń maýsym aiynan - Almaty oblysynyń Mádeniet, arhivter jáne qujattama basqarmasynyń basshysy, 2018 jyldan bastap – Almaty oblysy ákiminiń orynbasary bolǵan.
