19 naýryzda joǵalyp ketken almatylyq Aiajan Edilovanyń máiiti tabyldy. Almaty politsiiasy kúdiktini ustady, - dep habarlaidy Tengrinews.kz.
Aiajannyń ápkesi politsiiaǵa 2021 jyldyń 20 naýryzynda sińlisi joǵalyp ketkenin aitqan.
"Habar-osharsyz ketken adamdy taýyp, onyń joǵalý jaǵdailaryn anyqtaý úshin jedel tergeý toby quryldy. Jedel izdeý is-sharasy barysynda qyz joǵalyp ketken kúni jańa tanysymen kezdespek bolǵany anyqtaldy, onymen áleýmettik jelilerde tanysqan. Túrkistan oblysynyń turǵyny, 1993 jyly týǵan kúdikti ustaldy. Qylmys jasaýdyń sebebi men tásilin anyqtaý maqsatynda tergeý amaldary júrgizilip jatyr", - dedi Almaty PD kriminaldyq politsiia basqarmasynyń bastyǵy Erkin Ińkárov.
Bul is boiynsha QR Qylmystyq kodeksiniń 99-baby 2-bóligi ("Adam óltirý") boiynsha qylmystyq is qozǵaldy.
Buǵan deiin 19 jastaǵy Aiajan Edilova keshke jaqyn jumystan shyqqannan keiin úiine oralmaǵany habarlanǵan edi.
