Jumyspen qamtýdyń 2020-2021 jyldarǵa arnalǵan jol kartasy sheńberinde 6,7 myń joba iske asyrylyp jatyr. Onda 130 myń teńge ortasha jalaqymen 220,7 myń adam jumyspen qamtylǵan, dep habarlaidy "Ult aqparat".
JQJK infraqurylym jobalaryn iske asyrý 4 negizgi baǵyt boiynsha ótedi:
– áleýmettik-mádeni nysandardy kúrdeli jáne aǵymdaǵy jóndeý, rekonstrýktsiialaý jáne salý;
– turǵyn úi-kommýnaldyq sharýashylyq nysandaryn kúrdeli, ortasha jáne aǵymdaǵy jóndeý, rekonstrýktsiialaý;
– injenerlik-kólik infraqurylymyn kúrdeli, ortasha jáne aǵymdaǵy jóndeý, rekonstrýktsiialaý jáne salý;
– eldi mekenderdi abattandyrý.
JQJK infraqurylym jobalaryn iske asyrý kezinde otandyq óndirýshilerdiń keminde 90%-ynyń taýarlary men qyzmetterin qoldaný - erekshe shart.
Jumysshylardyń keminde jartysyn jumyspen qamtý ortalyqtary arqyly jaldaidy, basymdyq jumyssyz jastarǵa beriledi. Merdigerler sanitarlyq-epidemiologiialyq sharalardy qoldana otyryp, qaýipsiz eńbek jaǵdaiyn qamtamasyz etýge tiis.
1 jeltoqsandaǵy jaǵdai boiynsha óńirlerde 6,7 myń joba boiynsha jumys bastaldy, 220,7 myń jumys orny quryldy, onyń ishinde halyqty jumyspen qamtý ortalyqtary arqyly 116 myńnan astam jumys orny ashyldy.
Baǵdarlamaǵa qatysýshylardyń jartysy - aýyl turǵyndary, 39% – jastar jáne 7% –tabysy az azamattar.
JQJK sheńberinde jumyspen qamtylǵandardyń eń joǵary úlesi Shyǵys Qazaqstan (20,6 myń adam nemese 109,2%), Jambyl (19,7 myń adam nemese 100%), Atyraý (7,6 myń adam nemese 106%) oblystarynda.
Jalpy, baǵdarlama aiasynda barlyǵy 255 myń jumys ornyn ashý josparlanýda. Bul rette JQJK jobalary bolashaqta 100 myńnan astam turaqty jumys ornyn ashýǵa negiz bolady.
