QR Eńbek jáne halyqty áleýmettik qorǵaý ministri Serik Shápkenov halyqty jumyspen qamtý boiynsha qabyldanǵan sharalardy baiandady, dep habarlaidy QazAqparat.
«Jalpy eńbek naryǵynyń negizgi indekatorlary pandemiiaǵa qaramastan turaqty bolyp qaldy. Sońǵy úsh jylda jumys kúshiniń sany artty. Bul jaldamaly jumyskerler men ózin-ózi jumyspen qamtyǵandar sanynyń qysqarýy esebinen oryn aldy. Bul rette eńbek naryǵyn sipattaityn negizgi kórsetkish – jumyssyzdyq deńgeii 4,9 paiyz kóleminde saqtaldy», - dedi ministr Úkimet otyrysynda.
2020 jyldyń 2 toqsanynda ýaqytsha jumyspen qamtylǵan halyq sany 4 esege ósip, 536 myń adamdy qurasa, shekteý sharalary kezinde qashyqtan jumys isteý men ikemdi jumys formalary keńinen tarap, jyl sońynda ýaqytsha jumyspen qamtylǵandar sany 147 myń adamǵa qysqardy.
«Sondai-aq, beiresmi jumyspen qamtylǵandar sanynyń azaiýy baiqalady, onyń deńgeii qazir 14 paiyzdy quraidy. Búgingi tańda biz ekonomikanyń birtindep qalpyna kelýin baiqap otyrmyz, bul eńbek naryǵyna jaǵymdy áser etýde. Nur Otan partiiasynyń sailaýaldy tuǵyrnamasyn iske asyrý jónindegi mindetterdi eskere otyryp, biyl biz 1 mln 200 myń adamdy jumyspen qamtý sharalary arqyly qoldaýdy josparlap otyrmyz. Olar 700 myń adamdy «Eńbek» memlekettik baǵdarlamasymen, 32 myń adamdy – jumyspen qamtý jol kartasymen, 440 myń adamdy – ózge de memlekettik baǵdarlamalarmen qamtimyz», - deidi Eńbek ministri.
Eńbek baǵdarlamasy boiynsha qamtylatyn 227 myń adamǵa jumyspen qamtýǵa járdemdesýdiń túrli sharalary kórsetiledi. Olar úsh baǵyt boiynsha júredi.
«Birinshiden, qysqamerzimdi oqytýǵa, tehnikalyq jáne kásibi bilim alýǵa 36 myń adam jiberiledi. Búgingi tańda 2 myń adam qysqa merzimdi kýrstardy oqýǵa kiristi. Ekinshi baǵyt boiynsha, «Bastaý» biznes jobasynda 10500 adamdy biznes daǵdylaryna oqytý bastaldy. Sailaýaldy tuǵyrnamaǵa sáikes, jyl sońyna deiin 30 myń adam oqytylady. Oǵan qajet qarajat pen resýrstar tolyq qarastyrylǵan. Biyl ózi úshin ashýǵa jáne keńeitý úshin 5 myń mikrokredit pen 21 myń grant beriledi. Úshinshi baǵyt boiynsha, sýbsidiialanatyn jumys oryndary esebinen eńbek naryǵyna beiimdelý boiynsha 128 myń adamǵa qoldaý jáne 7 myń adamnyń óz erkimen kóshýine qoldaý kórsetiledi», - dep túsindirdi S. Shápkenov.
