Qazgidromet 10 jeltoqsanǵa arnalǵan aýa raiy boljamyn usynady, dep habarlaidy "Ult aqparat".
Juma kúni áli de aýqymdy antitsiklonnyń yqpalymen respýblikamyzdyń basym bóliginde kún ashyq bolady. Tek batysta jańbyr men qar túrinde jaýyn-shashyn jaýady. Respýblika boiynsha kei jerlerde tuman, kóktaiǵaq, jeldiń kúsheiýi, QR batysynda jaiaý burqasyn, ońtústiginde shańdy daýyl kútiledi.
Jambyl oblysynyń soltústiginde, taýly jáne taý bókterli aýdandarynda tuman, oblystyń ońtústik-batysynda, soltústik-shyǵysynda jáne taýly aýdandarda jeldiń kúshi 15-20, ekpini 23-28 m/s kúsheiedi.
Túnde jáne tańerteń Almaty oblysynyń ońtústiginde tuman túsedi, kúndiz Alakól kólderiniń aýdanynda jeldiń 18-23 m/s kúsheiýi yqtimal.
Túrkistan oblysynyń ońtústiginde, batysynda jáne taý bókterli aýdandarynda tuman, oblystyń soltústiginde jáne taýly aýdandarynda jeldiń jyldamdyǵy 15-20 m/s jetedi.
Batys Qazaqstan oblysynyń soltústiginde, soltústik-batysynda jaiaý burqasyn, kóktaiǵaq, oblystyń ońtústik-shyǵysynda jeldiń 15-20 m/s kúsheiýi kútiledi.
Atyraý oblysynyń soltústiginde, shyǵys jáne ortalyǵynda tuman, kóktaiǵaq, oblystyń soltústiginde jeldiń jyldamdyǵy 15-20 m/s jetedi.
Kúndiz Aqtóbe oblysynyń batysynda, ońtústik-batysynda kóktaiǵaq, oblystyń ońtústik-batysynda jáne ortalyǵynda jeldiń 15-20 m/s kúsheiýi kútiledi.
Mańǵystaý oblysynyń batysynda, soltústik-shyǵysynda jel turady, jyldamdyǵy - 15-20 m/s.
Qyzylorda oblysynyń ortalyǵynda jeldiń 15-20 m/s kúsheiýi kútiledi.
Aqmola oblysynyń soltústiginde, shyǵysynda, Qostanai oblysynyń soltústiginde, Qaraǵandy oblysynyń soltústiginde jáne ońtústiginde, Shyǵys Qazaqstan oblysynyń shyǵysynda, túnde jáne tańerteń Soltústik Qazaqstan oblysynyń ońtústiginde tuman túsedi.
