Qazaqstan Respýblikasy Úkimetiniń qaýlysymen Jumabai Ǵabbasuly Qaraǵaev Qazaqstan Respýblikasynyń energetika vitse-ministri qyzmetine taǵaiyndaldy. Bul týraly QR Premer-Ministriniń baspasóz qyzmeti habarlaidy.
Jumabai Qaraǵaev 1971 jyly Atyraý oblysynda dúniege kelgen. Gýbkin atyndaǵy Máskeý ýniversitetiniń «Munai jáne gaz ken oryndaryn igerý jáne paidalaný» mamandyǵy boiynsha túlegi, tehnika ǵylymdarynyń kandidaty.
J. Qaraǵaevtyń memlekettik qyzmette jáne jeke sektorda 19 jyldyq eńbek ótili bar. Túrli jyldary Atyraý jáne Mańǵystaý oblystaryndaǵy birqatar jeke kompaniialardy, Atyraý ákimdiginiń TKSh, jolaýshylar kóligi jáne avtomobil joldary bólimin basqarǵan.
Atyraý qalasy ákiminiń orynbasary qyzmetin atqardy. Atyraý oblysynyń memlekettik satyp alýlar basqarmasynyń basshysy, Atyraý oblysynyń energetika jáne turǵyn úi-kommýnaldyq sharýashylyq basqarmasynyń basshysy laýazymdaryn atqardy. Atyraý oblysy Maqat aýdanynyń ákimi laýazymynda boldy.
Osy jyldyń qyrkúieginen bastap Atyraý oblysy ákiminiń orynbasary bolyp jumys istedi.
