Mindetti áleýmettik meditsinalyq saqtandyrý qory kelinshekti emdeýge jatqyzýdan bas tartqan elordalyq aýrýhanaǵa qatysty tekserý nátijesin jariia etti, dep habarlaidy "Ult aqparat".
Qor baspasóz qyzmetiniń málimetinshe, Oksana Ermahanovaǵa qatysty jaitqa orai №2 qalalyq kóbeiindi aýrýhanaǵa jospardan tys monitoring júrgizilgen.
Bul tekserýge atalǵan kelinshektiń Facebook áleýmettik jelisinde jariialaǵan jazbasy sebep bolyp otyr.
«Monitoring nátijesinde meditsinalyq aqparattyq júie jazbalarynyń málimetterine sáikes, kezekshi ginekolog patsientti qaraý barysynda kórsetilimderdiń bolmaýyna bailanysty ony shuǵyl aýrýhanaǵa jatqyzýdan bas tartqany anyqtaldy. Degenmen, patsient meditsinalyq kómekke júgingen kezde saqtandyrý mártebesine qaramastan, shuǵyl aýrýhanaǵa jatqyzýǵa negiz bolatyndai jai-kúiine shaǵymdanǵan» dep atap ótedi qordan.
Osyǵan orai atalǵan shaǵymnyń negizi bar dep sanalady. Jáne de qor №2 qalalyq kópbeiindi aýrýhanaǵa qatysty ekonomikalyq áser etý sharalaryn qoldanady.
«Qor meditsinalyq kómektiń kepildendirilgen tegin kólemi jáne Mindetti áleýmettik meditsinalyq saqtandyrý aiasynda patsientterdiń meditsinalyq kómek alý quqyǵyn barlyq ýaqytta qorǵaidy. Osyǵan orai meditsinalyq qyzmetti sapasyz kórsetý nemese odan bas tartý týraly faktilerdi 1406 bailanys ortalyǵyna nemese Qoldau 24/7 mobildi qosymshasyna habarlaýǵa shaqyramyz. Olar boiynsha tekserý júrgiziledi jáne buzýshylyqtar anyqtalǵan jaǵdaida ekonomikalyq áser etý is-sharalary qabyldanady»,- dep atap ótedi qordan.
