Pavlodar oblysynda júkti áieldi óltirgen adam 20 jylǵa sottaldy, dep habarlaidy QazAqparat Pavlodarnews.kz-ke silteme jasap.
Oblystyq PD baspasóz qyzmetiniń habarlaýynsha, osy jyldyń sáýir aiynda Konstantinovka aýylynda júkti áieldiń ólimi oryn alǵan. Bul isti tergeý barysynda politseiler qaza tapqan áiel men birge turǵan er adam arasynda bolǵan janjal barysynda mas kúiinde er adam óziniń qurbanyn tunshyqtyrǵanyn anyqtady.
- «Qazaqstan Respýblikasy QK 99 - babynyń 2-bóligine sáikes qylmys jasaǵany úshin kináli mamandandyrylǵan aýdanaralyq sotpen 20 jylǵa bas bostandyǵynan aiyryldy, - delingen habarlamada.
Óltirilgen qyzdyń anasy Irina Sviridenko politsiia departamentiniń basshysyna jazǵan hatynda Ýspen aýdanynyń politsiia bólimi men prokýratýraǵa isti tergegeni úshin alǵys bildirdi.
