Júkti áielderde «Spýtnik V» preparatyna eleýli jaǵymsyz reaktsiialar anyqtalǵan joq. Bul týraly QR Úkimeti janyndaǵy Qazaqstanda koronavirýstyń taralýyna jol bermeý jónindegi vedomstvoaralyq komissiianyń Telegram kanalynda habarlandy.
«21 júkti áielge júrgizilgen koronavirýsqa qarsy vaktsinany zertteý barysynda asqyný jaǵdailary baiqalǵan joq», - dep habarlady Gamaleia atyndaǵy epidemiologiia jáne mikrobiologiia ǵylymi ortalyǵy.
Osyǵan bailanysty, júkti áielderdi COVID-19 preparatymen vaktsinalaý múmkindigi týraly máseleni qarastyrýǵa basymdyq berilýde. Sebebi júktilik kezindegi aýrý qaýip týdyrady.
Sonymen qatar ortalyq ǵalymdary júkti áielderde vaktsinany qoldaný qaýipsizdigin baǵalaý úshin sútqorektilerge qosymsha klinikaǵa deiingi zertteýler júrgizdi. Júktilik kezinde vaktsina alǵan janýarlar tóldedi. Jańa týǵan janýarlardy tekserý nátijesinde patologiialyq ózgerister anyqtalǵan joq.
Gamaleia atyndaǵy ǵylymi ortalyqtyń direktory Aleksandr Gintsbýrg «Spýtnik V vaktsinasyn qabyldaǵandardan alynǵan sarysý Sovid-19 virýsynyń ártúrli genetikalyq ózgertilgen shtamdaryna tiimdiligi boiynsha zertteletinin jetkizdi. Zertteý jumystary Italiiadaǵy jetekshi eýropalyq Mikrobiologiia jáne pýlmonologiia institýtynda ótedi dep josparlanýda.
Gintsbýrgtiń aitýynsha, bul jańa shtamdardyń paida bolýyna bailanysty koronavirýsqa qarsy vaktsinatsiia merzimine túzetýler engizýge qatysty suraqqa ǵylymi jaýap bolady.
