Esil ózeniniń juqa muzynda oinap júrgen balalar astanalyqtardy shoshytty, dep habarlaidy QazAqparat qalalyq Politsiia departamentine silteme jasap.
Búgin saǵat 14:36-da 102-ge Qajymuqan kóshesiniń boiynda Esil ózeninde balalardyń oinap júrgeni týraly habarlama keldi. Oqiǵa ornyna dereý avtopatrýl jiberildi. Politsiia qyzmetkerleri aǵaiyndy 9-10 jas aralyǵyndaǵy eki balany anyqtady. Kadrlarda muz ústinde balalardyń bir-birin qýalap, áli qalyń qatpaǵan ózennen ári -beri ótip jatqany kórinedi. Politseiler balalardyń ata-analaryn anyqtady. Oqiǵa ornyna uldardyń anasy shaqyryldy. Onymen jáne balalarmen sý aidyndarynda oinaýdyń ziiany men zardaptary týraly profilaktikalyq áńgime júrgizildi.
Nur-Sultan qalasynyń Politsiia departamenti sý aidyndarynan názik muzben ótýge qatań tyiym salynǵanyn eskertedi. Mundai oiyn óte qaýipti jáne qaiǵyly jaǵdaiǵa soqtyrýy múmkin.
«Qurmetti ata-analar, balalaryńyzǵa juqa muzben júrý jáne olardyń úiden tys jerde júris-turysyn baqylaý qaýipti ekenin eskertińizder!» - dep qosty departamenttegiler.
