JOO-daǵy kiris tek joǵary bilimniń ózine ǵana jumsalýy tiis. Bul týraly joǵary bilim salasynda sapany arttyrý máselelerin talqylaý kezinde KAZGUU ýniversitetiniń Basqarma tóraǵasy Talǵat Nárikbaev málim etti, dep habarlaidy QazAqparat.
Onyń aitýynsha, qazirgi kezde joǵary oqý oryndary úshin akademiialyq ári basqarýshylyq derbestik jetkilikti bolyp tur. Osy oraida barynsha tiimdi qadamdar men ádisterdi engizýge múmkindik bar.
«Sapa men akademiialyq adaldyq úshin kúresti bastaǵan kez kelgen JOO-lar adal básekelestik qana tiimdi bolatynyn jaqsy túsinip otyr. Adal básekelestik – ol bazalyq erejelerdi saqtaý jáne sapa standarttary men etikalyq normalardy buzbaý degendi bildiredi. Eger memleket adal básekelestik úshin talaptardy qamtamasyz etpese, onda tártipsizdik oryn alady», - dedi T. Nárikbaev Bilim jáne ǵylym ministri Ashat Aimaǵambetovtiń joǵary oqý orny basshylarymen kezdesýi barysynda.
Osy oraida ol buǵan deiin joǵary oqý oryndary tek tabys jasaý maqsatynda ashylǵan kezeń bolǵanyn aitty. Bul óz kezeginde bilim sapasyna teris áser etedi.
«Osyndai JOO-lar barlyq joǵary bilim salasy boiynsha qoǵamda jalpy teris pikirdi qalyptastyrady. Sondyqtan bul jaǵdaidy shuǵyl túrde túzetý kerek, joǵar bilimde kiris tek joǵary bilimniń ózine jumsalýy tiis. Iaǵni, oqý ornynda qolaily jaǵdai jasaý, ozyq tsifrlyq sheshimderdi engizý, eńbekaqyny kóterý jáne basqa da negizgi máselelerge baǵyttalǵany durys», - dedi Talǵat Nárikbaev.
Onyń sózine qaraǵanda, oqý protsesi men biznes protsesti tsifrlandyrý únemi qarjylyq múmkindikterge bailanysty bola bermeidi.
«Osy turǵyda bastapqyda sapaly ári tereń aýdit pen hronometraj júrgizilse jetkilikti. Bul óz kezeginde JOO ishinde qandai problemalar bar ekenin, qai jerde nátijeler burmalanatynyn túsinýge múmkindik beredi. Akademiialyq protsesterdi tsifrlandyrýǵa qarsylyq tanytqandar kóbine ashyqtyq bolǵanyn qalamaidy. Sebebi bilimdi baǵalaýdyń, ótinimdi qaraý men sheshim qabyldaýdyń árbir kezeńi barshasyna kórinip turady jáne bazada saqtalady», - dedi Talǵat Nárikbaev.
