Jomart Ertaevpen birge 54 adam, sonyń ishinde banktiń 41 top-menedjeri men qatardaǵy jumysshylary aqsha jymqyrdy degen kúdikke ilindi, dep habarlaidy "Ult aqparat" QR Bas prokýratýrasynyń baspasóz qyzmetine silteme jasap.
Budan buryn Qazaqstanǵa B.Ibragim, I.Majinov, D.Týǵanbai, D.Edigenev, A.Mamyrbekov, T.Sháripov jáne basqalar ekstraditsiialandy.
Eske salaiyq, Jomart Ertaev 2018 jyldyń mamyrynda Máskeýde Qazaqstan IIM Interpol Ulttyq ortalyq biýrosynyń suraýy boiynsha ustaldy.
QR IIM aqparaty boiynsha, ol iri kólemde alaiaqtyq jasaǵany úshin halyqaralyq izdeýde bolǵan. «Ol «Bank RBK» AQ direktorlar keńesi tóraǵasynyń keńesshisi bola otyryp, jalǵan JShS-nyń 80 mln AQSh dollary somasynda bankten qaryz alýyna yqpal etken. Sondai-aq, qaryzdy qaitarmaý maqsatyndaǵy áreketterdi júzege asyrǵan», - delingen habarlamada.
