QR bas prokýratýrasy qyzmetkerleri Jomart Ertaevty qylmystyq jaýapkershilikke tartý úshin Resei Federatsiiasynan ekstraditsiialady.
Ótken jyldyń naýryzynda oǵan halyqaralyq izdeý jariialanǵan bolatyn.
"J. Ertaev 2011 jyldan 2017 jylǵa deiingi kezeńde basqa tulǵalarmen aldyn ala sóz bailasyp, qyzmettik jaǵdaiyn paidalana otyryp "BANK RBK" AQ-nyń 144 milliard teńgesin jymqyrýdy uiymdastyrdy degen kúdikke ilindi", - dep jazylǵan QR bas prokýratýrasynyń baspasóz qyzmeti taratqan habarlamada.
Ertaevpen birge 54 tulǵa kúdikke ilinip otyr, olardyń arasynda banktiń 41 top-menedjeri men qyzmetkeri – buryn ekstraditsiialanǵan B. Ibragim, I. Majinov, D.Týǵanbai, D.Edigenev, A.Mamyrbekov, T.Sháripov jáne basqalar bar.
Tergeý barysynda qabyldanǵan sharalardyń arqasynda 15 milliard teńge ótelip, 48 milliard teńgeniń múlkine buǵaý salyndy.
Qazirgi tańda arnaiy prokýrorlar is boiynsha tergeýdi aiaqtady, protseske qatysýshylar materialdarmen tanysyp jatyr.
Ertaev Astana qalasynyń tergeý abaqtysyna jabyldy.
