Qazaqstan Respýblikasynyń Táýelsizdiginiń 30 jyldyǵy qarsańynda jariialanǵan el Prezidentiniń biylǵy Joldaýynda merzimdi áskeri qyzmettegi sarbazdarǵa mamandyq alý máselesi kóterilgenin bilemiz. Osy rette, Qazaqstan Respýblikasy Qarýly Kúshteriniń Qurlyq áskerleri «Astana» óńirlik qolbasshylyǵy áskerleriniń 06708 áskeri bólimindegi merzimdi áskeri qyzmet áskeri qyzmetshilerimen ótkizilgen jaýyngerlik daiarlyqty ilgeriletýdegi memleket-quqyqtyq daiyndyǵynyń basty taqyryby - Qazaqstan Respýblikasynyń Prezidenti Qasym-Jomart Kemeluly Toqaevtyń biylǵy Qazaqstan halqyna arnaǵan «Halyq birligi jáne júieli reformalar – el órkendeýiniń berik negizi» atty Joldaýy bolǵandyǵyn atap ótken jón. Óitkeni, el Prezidentiniń zańdy turǵyda Qazaqstan Respýblikasy Qarýly Kúshteriniń Joǵarǵy Bas qolbasshysy retinde egemendi elimizdiń aibyndy armiiasynyń qatarynda qyzmet etip júrgen merzimdik qyzmettegi áskeri qyzmetshilerge arnaiy kóńil bólgendigin ańǵara alamyz....
Áskeri bólimniń materialdyq-tehnikalyq qamtamasyz etý batalonynda merzimdi áskeri qyzmet áskeri qyzmetshileriniń basyn qosqan memlekettik-quqyqtyq daiyndyǵy sabaǵynda Qazaqstan Respýblikasynyń Prezidenti Qasym-Jomart Toqaevtyń «Halyq birligi jáne júieli reformalar – el órkendeýiniń berik negizi» taqyrybyndaǵy Joldaýy talqylandy.
Sarbazdar aldynda sabaq tizginin ustaǵan materialdyq-tehnikalyq qamtamasyz etý batalony komandiriniń tárbie jáne ideologiialyq jumystary jónindegi orynbasary maior Chebikov Birlik Mámbetahynuly óz sózin Joldaýdaǵy el Prezidenti Qasym-Jomart Kemelulynyń Qazaqstan Respýblikasy Táýelsizdiginiń 30 jyldyǵyna arnalǵan sózderimen bastady: «Biyl egemen el bolǵanymyzǵa 30 jyl tolyp otyr. Táýelsizdik – bizdiń eń qasterli qundylyǵymyz. Qazaqstan Tuńǵysh Prezidentimiz, Elbasynyń dara saiasatynyń arqasynda tabysty el retinde búkil álemge tanymal boldy. Eń basty jetistigimiz – birtutas el bolyp, jańa memleket qurdyq, irgemizdi bekitip, eńsemizdi tiktedik. Halyqaralyq qaýymdastyqtyń beldi múshesine ainaldyq. Turaqty qoǵam qalyptastyryp, ornyqty damý jolyna tústik. Memlekettigimizdi nyǵaitý úshin bir El bolypeńbek etip jatyrmyz. Egemendik degenimiz – jalań uran men jalyndy sóz emes. Biz úshin eń mańyzdylyǵy – ár azamattyń Táýelsizdik igiligin sezine alýy. Onyń basty kórinisi – eldegi beibit ómir, qoǵamdaǵy turaqtylyq pen tynyshtyq».
Laýazymdy tulǵa maior B.Chebikov sarbazdarǵa Prezident Joldaýy el damýynyń aldaǵy damý strategiiasyn anyqtap bergendigin jetkizdi. Sonymen qatar, Memleket basshysy Qasym-Jomart Toqaevtyń búkil Jer betin dúr silkindirgen pandemiiadan keiingi kezeńdegi eldi odan ári damytýǵa, densaýlyq saqtaý júiesiniń tiimdiligin arttyrýǵa, sapaly bilimmen qamtýǵa óńirlik saiasatty jetildirýge, eńbek naryǵynda tiimdi ekojúie qurýǵa, saiasi jańǵyrýǵa, adam quqyǵyn qorǵaý men ultty uiystyrýǵa baǵyttalǵan bastamalaryn jariialaǵandyǵyn baiandap berdi. Ásirese, Prezident Joldaýynda merzimdik qyzmetshilerdiń óz mindetterin atqara júrip, ómirde kerekti qandai da bir mamandyq iesi ataný máselesi qozǵaldy. Osy oraida, Qazaqstan Respýblikasynyń Prezidenti Qasym-Jomart Toqaev:
«Mamandyq alýdyń taǵy bir múmkindigi armiiada berilýge tiis.
Merzimdi áskeri qyzmettegi sarbazdardyń ekonomikadaǵy naqty sektor úshin qajetti jumysshy mamandyǵyn igerý máselesin pysyqtaǵan jón» - dep, óz oiyn tolyq jetkizedi..
Óz sózin qorytyndylaǵan maior B.M. Chebikov: «Shynymen de, Joldaýdaǵy el Prezidenti Qasym-Jomart Toqaevtyń ár sózi barsha qazaqstandyqtarǵa qatysty kerekti máselelerdi qamtidy. Egemendi elimizdiń taǵdyry – bizdiń taǵdyrymyz, eńsesi ik, tuǵyry berik Táýelsiz Qazaqstannyń alǵa qoiǵan maqsattary oryndalatynyna senimdimin!» - dep, sarbazdardy Joldaý júktegen jańa jaýapkershilik pen mindetterdiń oryndalýyna belsene atsalysýǵa shaqyrdy.
Sabaq barysynda Prezident maqalasyna qatysty ózderiniń oilary men pikirlerin bildirip, belsendilik tanytqan merzimdi áskeri qyzmettegi qatardaǵy jaýyngerler Ihan Elaman, Aleksandr Posnikov, Sardalov Mansýr jáne Eljas Sovetbekuly esimderin erekshe atap ótken jón.
Qazaqstan Respýblikasynyń Prezidenti Qasym-Jomart Toqaevtyń «Halyq birligi jáne júieli reformalar – el órkendeýiniń berik negizi» atty Joldaýynda atap kórsetilgen: tereń bilim, temirdei tártip, adaldyq, ysyrapshyldyqqa jol bermeý – basty ustanymymyz bolýy qajet. Soǵan yqpal jasap, berilgen tapsyrmalardy júzege asyrýǵa óz úlesimizdi qosa bileiik!
Tilek Alshymbekuly
06708 áskeri bólimi
Dýman Qurmanǵaliev
Priozersk garnizonynyń baspasóz hatshysy
