Ulttyq ekonomika ministri Rýslan Dálenov Premer-Ministr Asqar Maminniń tóraǵalyǵymen ótken Úkimet otyrysynda Memleket basshysynyń 2020 jylǵy 1 qyrkúiektegi Joldaýyn iske asyrý jónindegi Jalpyulttyq is-sharalar josparynyń jobasy týraly baiandady, dep habarlaidy "Ult aqparat".
Memleket basshysynyń «Jańa jaǵdaidaǵy Qazaqstan: is-qimyl kezeńi» atty Joldaýyn iske asyrý úshin Ulttyq ekonomika ministrligi múddeli memlekettik organdarmen birlesip Jalpyulttyq is-sharalar josparynyń jobasyn ázirledi.
Joba jańa ekonomikalyq baǵdardyń 7 negizgi qaǵidatyna negizdelgen jáne 10 basty baǵyt boiynsha 143 is-sharadan turady.
Birinshi baǵyt. «Memlekettik basqarýdyń jańa úlgisi»
Memlekettik josparlaý júiesin odan ári jetildirý josparlanyp otyr.
Tiimdi kadr saiasaty men sheshimder qabyldaý júiesi qamtamasyz etiledi.
Memlekettik organdar qyzmetiniń tiimdiligin odan ári arttyrý maqsatynda 2021 jylǵy 1 shildeden bastap memlekettik qyzmetshilerge eńbekaqy tóleýdiń jańa júiesine kóshý júzege asyrylady.
Ekonomikaǵa memlekettiń qatysýyn azaitý jónindegi sharalar jalǵasady.
Barlyǵy 10 is-sharany iske asyrý josparlanýda.
Ekinshi. «Jańa jaǵdaidaǵy ekonomikalyq damý»
Bul baǵyttyń negizgi basymdyǵy óńdeýshi ónerkásiptiń básekege qabilettiligin arttyrý jáne qazaqstandyq qamtý úlesin ulǵaitý.
Agroónerkásip kesheniniń áleýetin damytýǵa erekshe nazar aýdarylady.
Elimizdiń kólik-tranzit sektoryn belsendi damytý jumystary jalǵasady.
Shaǵyn jáne orta biznesti, onyń ishinde ekonomikanyń zardap shekken sektorlaryn qoldaý jáne damytý jumystary jalǵastyrylady.
Aqsha-nesie saiasaty mańyzdy yntalandyrýshy ról atqaratyn bolady.
Salyq mindettemelerin oryndaýdy ońailatý jáne kóleńkeli ekonomikany azaitý boiynsha jumys júrgiziledi.
Barlyǵy 42 is-sharany iske asyrý josparlanýda.
Úshinshi. «Teńgerimdi aýmaqtyq damý»
Óńirlerdiń básekege qabilettiligin arttyrýǵa basa nazar aýdarylatyn bolady.
Óndiristi damytý jáne jańa jumys oryndaryn qurý áleýetin eskere otyryp, ósý núkteleri qalyptastyrylady.
Shekara mańyndaǵy aýmaqtarda otandyq taýarlardy ilgeriletý úshin yntymaqtastyq keńeitiledi.
Barlyǵy 2 sharany júzege asyrý josparlanýda.
Tórtinshi. «Azamattardyń áleýmettik ál-aýqaty – basty basymdyq»
Azamattarǵa zeinetaqy jinaqtarynyń bir bóligin turǵyn úi satyp alý jáne emdelý úshin paidalanýǵa múmkindik beriledi.
Jalǵa beriletin turǵyn úidi damytý, áleýmettik jaǵynan osal halyqty jalǵa beriletin baspanamen qamtamasyz etý jónindegi sharalar kesheni qabyldanady.
Áleýmettik jáne demografiialyq saiasatty jetildirý jalǵasady.
Barlyǵy 10 is-shara júzege asyrylady.
Besinshi. «Qoljetimdi ári sapaly bilim»
Tolyqqandy oqý protsesin qamtamasyz etý maqsatynda Biryńǵai onlain bilim berý platformasy ázirlenedi.
Bilim berý júiesine bilikti kadrlar tartylady, pedagog mártebesi artady.
Kásibi bilim berý eńbek naryǵynda suranysqa ie bilikti mamandar qalyptastyrýǵa qaita baǵdarlanatyn bolady.
Elimizdiń ǵylymi áleýetin arttyrýǵa erekshe nazar aýdarylatyn bolady.
Barlyǵy 16 is-sharany júzege asyrý josparlanýda.
Altynshy. «Densaýlyq saqtaý salasyn damytý»
Meditsinalyq infraqurylymdy jańǵyrtýǵa jáne materialdyq-tehnikalyq jaraqtandyrýmen qamtamasyz etýge erekshe nazar aýdarylatyn bolady.
Aýyldyq jerlerge qyzmet kórsetý úshin bastapqy meditsinalyq-sanitarlyq kómek pen kóliktik meditsinany belsendi damytý josparlanýda.
Meditsinalyq preparattardyń otandyq óndirisin damytý jóninde sharalar qabyldanady.
Barlyǵy 10 is-sharany iske asyrý josparlanýda.
Jetinshi. «Ekologiia jáne bioalýantúrlilikti qorǵaý»
Mineraldyq-shikizat bazasyn, sý sharýashylyǵyn, balyq kásipshiligin jáne ulttyq parkterdi damytý jóninde keshendi sharalar qabyldanady.
Qorshaǵan ortany qorǵaý salasyndaǵy saiasatty jetildirý jalǵasady.
«Jasyl ósim» jáne ulttyq ekonomikany tereń dekarbonizatsiialaý boiynsha sharalar qabyldanady.
Barlyǵy 8 is-sharany iske asyrý josparlanýda.
Segizinshi. «Ádiletti memleket azamattardyń múddesin qorǵaý jolynda»
Úsh býyndy qylmystyq model qurylyp, qylmystyq jáne qylmystyq-protsessýaldyq zańnamanyń turaqtylyǵy qamtamasyz etiledi.
Jergilikti politsiia qyzmetin odan ári jetildirý jalǵasady.
Memlekettik organdar men kvazimemlekettik sektor qyzmetiniń ashyqtyǵy men eseptiligi artady.
Barlyǵy 30 is-sharany júzege asyrý josparlanýda.
Toǵyzynshy. «Tsifrlandyrý – barlyq reformanyń negizgi elementi»
Tsifrlyq teńsizdikti joiý jáne internetke barynsha qol jetkizýdi qamtamasyz etý jóninde sharalar qabyldanady.
Zeinetaqy men járdemaqylardy taǵaiyndaý jáne tóleý tsifrlandyrylady.
Derekter bazasynyń biryńǵai júiesi qurylady.
Barlyǵy 8 is-sharany iske asyrý josparlanýda.
Onynshy. «Azamattardyń memleketti basqarý isine qatysýy»
Azamattardyń memlekettik basqarý máselelerin sheshýge belsendi qatysýyn keńeitý maqsatynda onlain-petitsiialardyń biryńǵai zańdy institýty qurylady.
Aýyl ákimderin tikelei sailaý ótkiziledi.
Máslihattar qyzmetiniń ashyqtyǵy artady.
Jergilikti ózin-ózi basqarý organdarynyń mártebesi men ókilettikteri kúsheitiledi.
Barlyǵy 7 is-sharany iske asyrý josparlanýda.
«Memleket basshysynyń tapsyrmalaryn tiimdi ári sapaly iske asyrý úshin Premer-Ministr orynbasarlarynyń jetekshiligimen 11 jumys tobyn qura otyryp, jobalyq tásildi qoldaný usynylady. Jalpyulttyq jospardyń is-sharalaryn belgilengen merzimde ýaqytyly oryndaýdy qamtamasyz etýge arnalǵan barlyq qajetti resýrstar men tetikter bar», — dep túiindedi R. Dálenov.
