Búgin oblys ákimi Gúlshara Ábdiqalyqovanyń tóraǵalyǵymen Qazaqstan Respýblikasynyń Prezidenti Qasym-Jomart Kemeluly Toqaevtyń «Jańa jaǵdaidaǵy Qazaqstan: is-qimyl kezeńi» atty Joldaýynyń negizgi mindetterin júzege asyrý boiynsha dóńgelek ústel otyrysy ótti.
Dóńgelek ústel otyrysyna oblys ákiminiń orynbasarlary, apparat basshysy, oblystyq máslihat hatshysy, basqarma basshylary, «Atameken» oblystyq kásipkerler palatasynyń direktory, biznes qaýymdastyǵy men qoǵamdyq birlestikterdiń ókilderi, onlain formatta qala jáne aýdan ákimderi qatysty.
«Prezident óz Joldaýynda daǵdarystan keiin ekonomika men azamattardyń ál-aýqatyn qalpyna keltirý kerektigin atap ótti. Jańa qujat 11 basym-baǵyttan turady. Bizdiń basty mindet qujattyń júzege asyrylýyn qamtamasyz etý», - dedi oblys ákimi Gúlshara Ábdiqalyqova.
Joldaýdyń birinshi baǵytynda memlekettik basqarýdyń jańa úlgisin júieli túrde júzege asyrý qajettigi atalyp, memlekettik qyzmetkerlerdi 2020 jyly 10 paiyzǵa, 2021 jyly 15 paiyzǵa qysqartý tapsyryldy. Osyǵan orai, aimaq basshysy oblys ákiminiń apparat basshysyna biylǵy jylǵy 1 qazanǵa deiin 10 paiyzdyq qysqartýlar boiynsha usynys berýdi júktedi.
Joldaýdyń ekinshi baǵytynda atap ótilgendei, uzaqqa sozylǵan munai salasynyń damý kezeńi aiaqtaldy. Sondai-aq, Memleket basshysy «Aýyl sharýashylyǵyn damytpai, básekege qabiletti ekonomika qurý múmkin emestigin» naqty aitty. Bul rette aimaq basshysy oblystyq indýstriialyq-innovatsiialyq damý basqarmasyna, qala jáne aýdan ákimdikterine indýstriialandyrý kartasyna taldaý jasap, 2020 jyly iske qosylýǵa daiyn turǵan jobalardy qysqa merzimde indýstriialandyrý kartasyna engizýdi jáne indýstriialyq aimaqtardy jańa jobalarmen tolyqtyrýǵa jumys júrgizýdi tapsyrdy.
Úshinshi boiynsha oblys ákimi sala basshylaryna agrarlyq sektorǵa dástúrli qoldaý kórsetýmen qatar, aýyl sharýashylyǵy ónimderin tereńdetip qaita óńdeýdi, tamaq jáne toqyma óndirisin damytýdy, qurylys materialdaryn shyǵarýǵa jáne ónerkásiptiń ózge de salalaryna basa nazar aýdaryp, tiisti sharalar qabyldaýdy júktedi.
Tórtinshi baǵytta azamattardyń áleýmettik ál-aýqaty, eń aldymen, baspana máselesine tikelei bailanysty dep atap kórsetti. Osyǵan orai, aimaq basshysy «Nurly jol» baǵdarlamasy aiasynda jer úiler salý úshin injenerlik infraqurylymdy damytý sharalaryn qabyldaý qajet ekeni atap ótildi.
Besinshi baǵytta kórsetilgen bilim sapasyn damytýǵa qatysty naqty atqaratyn sharalar boiynsha da birqatar tapsyrmalar berildi. Aimaq basshysy oblystyq bilim basqarmasyna qashyqtan oqytý barysynda balalarǵa sapaly bilim berýge qajetti jaǵdailardy uiymdastyrýdy, sanitarlyq talaptardy saqtai otyryp, dástúrli oqytýǵa kóshetin mektepterdiń múmkindigin qarastyrýdy jáne balalardyń shyǵarmashylyq qabiletin shyndaýǵa jáne sportpen ainalysýǵa qajet sharalardy iske asyrýdyń arnaiy óńirlik jol kartasyn ázirleýdi júktedi.
Altynshy baǵytta densaýlyq salasyn damytý basty nazarda bolýy kerektigi ataldy. Osyǵan sáikes oblys ákimi memlekettik jekeshelik áriptestik aiasynda ambýlatoriia qurylysyn salý jáne satyp alý mehanizderin pysyqtaýmen qatar dárigerlerge beriletin yntalandyrý kózderin ázirleý qajettigin atap ótti.
Jetinshi baǵytta ekologiia jáne biologiialyq qorǵaý máselesi sóz boldy. Bul rette, aimaq basshysy oblys aýmaǵynda «Qaraózek» jáne «Kúmisketken» sý qoimalarynyń qurylystaryn jedeldetý jáne balyq óńdeý zaýyttaryn shikizatpen qamtamasyz etý úshin taýarly balyq ósirýdiń kólemin 2030 jylǵa qarai 20 esege deiin ulǵaitý mindetin qoidy.
Segizinshi baǵytta azamattardyń múddesin qorǵaý jolynda ádiletti memleket qaǵidasyn ustanýdy tapsyryldy. «Halyq únine qulaq asatyn memleket» – bul, shyn mánisinde, «Ádiletti memleket» qurý tujyrymdamasy ekenin airyqsha atap kórsetti. Bul rette aimaq basshysy barlyq memlekettik organ basshylaryna Qyzylorda qalasy jáne aýdan ákimderine osy baǵytta jumystardy jandandyrýdy tapsyryp, aimaqtarda qoǵamdyq keńesterdiń rolin arttyrýǵa basymdyq berý qajet ekenin aitty.
Tsifrlandyrý - barlyq reformanyń negizgi elementi jáne sánge ainalǵan úrdiske ilesý emes, ulttyń básekege qabilettiligin arttyrýdyń negizgi quraly bolýy kerek ekeni toǵyzynshy baǵytta kórsetilgen. Osyǵan orai, óńir basshysy oblystyq tsifrlyq tehnologiialar basqarmasyna 15 qyrkúiekke deiin eldi-mekenderdi tolyq internetpen qamtamasyz etý josparyn usynýdy tapsyrdy.
Al onynshy baǵytta azamattardyń memleketti basqarý isine qatysýyna asa mán berilip otyr. Memleket basshysy óz sózinde «Bul saiasi reformalardyń bastamasy ǵana» - dep atap ótti. Oblys ákimi bul máselege qatysty zańǵa ózgerister engizilgennen keiin, aýyl ákimderin aýdandyq, qalalyq máslihat depýtattary emes, jalpy sol aýyldyń turǵyndary sailaityn bolatyndyǵyn aitty.
Joldaýdyń on birinshi baǵytynda Ulttyń jańa bolmysyn qalyptastyrý maqsatynda 6 basym baǵytty aiqyndaldy. Olar: tereń bilimdi urpaq tárbieleý, jas býyndy erinbei eńbek etýge beiimdeý, kez-kelgen isti kásibi daǵdy arqyly júzege asyrý, temirdei tártip pen joǵary jaýapkershilik, ádildikten ainymaǵan jón jáne adaldyq, uqyptylyq, tiianaqtylyq. Osyǵan sáikes, aimaq basshysy salalyq orynbasaryna ulttyń jańa bolmysyn qalyptastyrý baǵytynda ideologiialyq is-shara josparyn ázirleý jóninde tapsyrma berdi.
Sodan keiin sóz alǵan oblystyq máslihattyń hatshysy Qylyshbai Bisenov áleýmettik sala qyzmetkerleri jalaqysyn kóterý máselesin qoldap, «Strategiialyq mańyzdy sheshim» degen baǵa berdi. Sondai-aq ol otandyq ǵylym salasyn qoldaýǵa baǵyttalǵan tapsyrmalardy erekshe atap ótti. Al kásipkerlikti qoldaý sharalaryna bailanysty «Atameken» ulttyq kásipkerlik palatasynyń oblystyq filial direktory Ǵalymbek Jaqsylyqov pikirin bildirdi. Onyń aitýynsha, oblys boiynsha ekonomikanyń asa zardap shekken salalarynda 11 myńnan asa kásipkerlik sýbektisi qyzmet atqarady. Qazirgi kúrdeli ahýal kezeńinde shaǵyn jáne orta bizneske qoldaý kórsetý asa mańyzdy ekenin atady. «Abai Daýlet» mekemesiniń direktory Murat Sársenbai jer sheteldikterge satylmaityndyǵy týraly málimdeme kóptiń kúmánin seiiltkenin aitty. Sondai-aq aýyl halqyn jumyspen qamtý, turmys deńgeiin kóterý siiaqty sheshimderin turǵyndar zor yqylaspen qabyldaǵanyn jetkizdi.
Jiyn sońynda aimaq basshysy Joldaýdan týyndaityn mindetterdi sapaly júzege asyrý qajettigin atap ótti.
