Foto: ashyq derekkóz
Buǵan deiin habarlanǵandai, protsesterdi tsifrlandyrý aiasynda joldaǵy birqatar quqyq buzýshylyqty anyqtaý integratsiialanǵan aqparattyq júieler men memlekettik derekter bazalaryn paidalaný arqyly avtomatty rejimde júzege asyrylady, dep habarlaidy Ult.kz.
Búginde IIM jol qaýipsizdigin qamtamasyz etý jáne jol júrisine qatysýshylardyń barlyǵy úshin teń jaǵdai qalyptastyrý maqsatynda bul jumysty júieli túrde kúsheitip keledi. Aita keteiik, saqtandyrý polisiniń bolmaýy, sondai-aq mindetti tehnikalyq baiqaýdan ótpeý – ákimshilik quqyq buzýshylyq sanatyna jatady.
Qazirgi tańda respýblika boiynsha ákimshilik óndiristerdiń birińǵai tizilimi júiesimen integratsiialanǵan memlekettik derekter bazalarynyń málimetterin paidalaný arqyly:
- — saqtandyrý polisi joq 5 myńnan astam derek;
- — tehnikalyq baiqaýdan ótpegen 5,5 myńnan astam derek;
- — qaýipsizdik beldigin taqpaýǵa bailanysty shamamen 700 quqyq buzýshylyq;
- — sondai-aq kólik quralyn basqarý kezinde telefon qoldanýdyń 6 deregi anyqtaldy.
Tsifrlyq sheshimder joldaǵy qaýipti áreketterdi der kezinde anyqtaýǵa, yqtimal saldardyń aldyn alýǵa jáne jaýapkershiliktiń bultartpastyǵyn qamtamasyz etýge múmkindik beredi.
— Jolda júrý qaǵidalary saqtalǵan jaǵdaida eshqandai aiyppul sanktsiialary qoldanylmaidy. Bul júie jazalaý úshin emes, quqyq buzýshylyqtardyń aldyn alý jáne azamattardyń ómiri men densaýlyǵyn qorǵaý maqsatynda engizilgen. Azamattardy zańnama talaptaryna jaýapkershilikpen qaraýǵa shaqyramyz: saqtandyrý polisiniń bar-joǵyn aldyn ala tekserip, tehnikalyq baiqaýdan ýaqytyly ótip, jolda júrý qaǵidalaryn qatań saqtaýǵa shaqyramyz, — dep atap ótildi IIM-de.
