Sybailas jemqorlyqqa qarsy agenttik janyndaǵy arnaiy monitoring toby tóraǵasynyń orynbasary Rafael Gasanov jolaýshylardyń shaǵymynan soń Almaty áýejaiyna tekserispen bardy, dep habarlaidy "Ult aqparat".
Rafael Gasanov kópshiliktiń pikirin áýejai qyzmetkerlerine jetkizdi.
«Reis kestesindegi buzylýlar jolaýshylardyń narazylyǵyn týǵyzatyny árine, zańdylyq. Álbette virýstyń taralýyna tosqaýyl bolatyn basqa da tiimdi nárseler bar ekeni ras», - dedi Gasanov.
Almaty áýejaiynyń baspasóz hatshysy Natalia Sokolova shetelden keletin jolaýshylarǵa arnalǵan sharttardy túsindirdi:
bortta anketa toltyrylyp, dene qyzýy ólshenedi, PTR test tapsyrmaǵan jolaýshylar shekara baqylaýynan ótip, júkti bólek alady. Ol úshin qosymsha zal ashylǵan.
Ol jerde SES, shekara qyzmeti, keden qyzmetkerleri, áýe kompaniiasy men áýejai qyzmetkerleri bar.
Sanitarlyq dárigerdiń qaýlysyna sáikes barlyq sharalar algoritmi qolǵa alynǵan.
Rafael Gasanov áýe kompaniiasyna keletin reisterdi baqylaýǵa alýdy usyndy.
Kóptegen áýe kompaniialary reister kestesine syimai jatyr.
Sonyń kesirinen shekara baqylaýynda jáne júk beriletin orynda keptelisi bolady.
