Almaty oblysynda Toyota Land cruser Prado kóliginiń júrgizýshisi bir mezette 32 qoidy qaqqan. Oqiǵa Aqsai-Shonjy-Qaljat tas jolynda bolǵan dep habarlaidy QazAqparat.
Oblystyq Politsiia departamenti baspasóz qyzmetiniń málimetinshe, jol-kólik oqiǵasy tańǵy 7-ler shamasynda bolǵan. Júrgizýshi qatty jyldamdyqpen kele jatyp jolǵa shyqqan bir otar qoidy baiqamai qalǵan. Sondai-aq ol oqiǵa ornynan boi tasalamaq bolǵan.
Kúdikti jyldam tabyldy. Sondai-aq onyń 2018 jyly júrgizýshi kýáliginen airylǵany belgili boldy. Uiǵyr aýdandyq soty ony kináli dep taýyp, 25 kúnge qamap 9 jylǵa kólik júrgizýge tyiym saldy. Júrgizýshi óz kinásin moiyndap shyǵyndy ótep berýge kelisimin berdi.
«Kólikti 25 jastaǵy Talǵar aýdanynyń turǵyny júrgizgen. Onyń mashinany ishimdik iship júrgizgeni arnaiy meditsinalyq tekserý arqyly dáleldendi. Atalǵan faktige sáikes Ákimshilik kodekstiń 608 jáne 610 baptary boiynsha hattama toltyrylyp, júrgizýshi ýaqytsha ustaý izoliatoryna qamaýǵa alyndy»,- delingen Almaty oblystyq Politsiia departamenti baspasóz qyzmetiniń habarlamasynda.
