Almatyda bolǵan jantúrshigerlik jol apatynan aman qalǵan aktrisa Aizada Satybaldieva jansaqtaý bóliminen palataǵa aýystyryldy. Bul týraly Almaty qalalyq densaýlyq saqtaý basqarmasy məlimdedi, dep habarlaidy QazAqparat tilshisi.
«Aizada Satybaldievanyń jaǵdaiyn dárigerler turaqty, biraq aýyr dep baǵalap otyr. Ol Almaty qalalyq jedel shuǵyl kómek kórsetý aýrýhanasynyń jansaqtaý bóliminen travmatologiia bólimine aýystyryldy. Ol esin jidy», - dedi baspasóz qyzmetiniń ókilderi.
Aita ketý kerek, jol apaty 29 jeltoqsanda boldy. Seifýllin men Abai kósheleriniń qiylysynda Mitsubishi Galant pen «Mercedes Benz G-55» kólikteri soqtyǵysqan. Jol apatynan Mitsubishi Galant kóliginde bolǵan úsh adam, belgili aktrisa Sholpan Elgezekova men onyń qurbysy jáne Mitsubishi Galant júrgizýshisi kóz jumdy.
Al, kólikte bolǵan M.Áýezov atyndaǵy qazaq memlekettik akademiialyq drama teatrynyń aktrisasy jáne telejúrgizýshi Aizada Satybaldieva alty qabyrǵasy synyp, asa aýyr halde Almaty qalalyq shuǵyl kómek kórsetý aýrýhanasynyń jansaqtaý bólimine jetkizilgen edi.
Jol apatyna kináli «Mercedes Benz G-55» júrgizýshisi kóp uzamai ustaldy. Politsiianyń habarlaýynsha, er adam kólikti mas kúiinde júrgizgen.
