Foto: Izvestiia
Tsifrlyq damý, innovatsiialar jáne aeroǵarysh ónerkásibi ministri Jaslan Mádiev Úkimet otyrysy barysynda joǵary bilikti IT-mamandary úshin Qazaqstannyń tartymdylyǵyn arttyrý boiynsha júrgizilip jatqan jumystar týraly baiandady, dep habarlaidy Ult.kz.
Ol joǵary bilikti IT-mamandary úshin Qazaqstannyń tartymdylyǵyn arttyrý jáne olardyń elimizdiń ekojúiesine integratsiialanýy úshin qolaily jaǵdai jasaý maqsatynda Digital Nomad Residence jáne Digital Nomad Visa baǵdarlamalary iske qosylǵanyn atap ótti.
Birinshi baǵdarlama turýǵa yqtiiarhatty tolyǵymen onlain-formatta alýǵa múmkindik beredi. Buǵan deiin bul úshin elimizge óz aiaǵymen kelýi, JSN men elektrondyq tsifrlyq qoltańba alýy jáne kirisin rastaýy talap etiletin. Búginde bul protsess tolyqtai qashyqtan júzege asatyn boldy. Ótinish berý astanahub.com jáne egov.kz saittary arqyly júzege asyrylady. JSN men ETsQ-ny sheteldik mekemeler arqyly da rásimdeýge bolady, kiristi rastaý endi talap etilmeidi. Bul sheteldik IT-mamandardyń kirýin jáne zańdastyrý máselelerin aitarlyqtai jeńildetti.
Ekinshi baǵdarlama – tsifrlyq kóshpendilerge arnalǵan mamandandyrylǵan viza. Baǵdarlama Qazaqstanda óz mamandyǵy boiynsha 1 jyl merzimde jumys isteýge jáne elde ári qarai turýǵa yhtiiarhat alýǵa múmkindik beredi. Ol onlain rásimdeledi jáne el aýmaǵynda alǵash ret tsifrlyq kóshpendilerdiń eńbek qyzmetin zańdastyryp otyr.
Búginde baǵdarlamaǵa qatysýǵa 204 ótinim tústi. Aljir men Botsvan azamattaryna alǵashqy 2 viza berildi.
«Bul baǵdarlamalar – tsifrlyq talanttardy tartýǵa baǵyttalǵan zamanaýi jáne tehnologiialyq kóshi-qon saiasatyn qalyptastyrý jolyndaǵy mańyzdy qadam», - dedi Jaslan Mádiev.
