QR Joǵarǵy soty áýe kemesin tárkileýge qatysty isti qarap, zań buzýshy menshik iesi bolmaǵandyqtan birinshi satydaǵy sottar sheshimin ózgertti, dep habarlaidy "Ult aqparat".
Joǵary sot baspasóz qyzmetiniń málimetinshe, «Fly Jet.kz» JShS 2020 jylǵy maýsymda Hawker 900HR áýe kemesin kedendik aýmaqqa ákelý kezinde kólik quralyn jáne ýaqytsha ákelýdiń eki ailyq merzimin kórsetip, kedendik deklaratsiiany resimdegen.
«Kórsetilgen merzim ótkennen keiin JShS áýe kemesin alyp ketpegen. Merzimdi uzartý týraly ótinish memlekettik kiris organyna sol jyldyń tamyz aiynda, iaǵni ýaqytsha ákelý merzimi ótkennen keiin jiberilgen. Ýákiletti organ men sot quqyq buzýshynyń áreketin EýrAzEQ-tyń kedendik aýmaǵynan ýaqytsha ákelingen halyqaralyq tasymaldaý kólik quralyn áketpeý (ÁQBtK-niń 543-babynyń 1-1-bóligi) retinde saralaǵan.
JShS oryn alǵan osy quqyq buzýshylyqty moiyndaǵan. Bul rette, keme qozǵaltqyshynyń tsifrlyq elektrondy jabdyǵynyń tehnikalyq aqaýy ýaqytsha ákelý merzimin saqtamaýǵa sebep bolǵandyǵy týraly qujatpen rastalǵan málimetter usynylǵan», delingen habarlamada.
Baspasóz qyzmetiniń málimetinshe, sotqa aqaýdy joiý úshin qajetti jabdyqty ákelý týraly taýarlarǵa arnalǵan deklaratsiia (2020 jylǵy tamyz) tabys etilgen.
Birinshi satydaǵy sot JShS-ǵa 30 AEK (80 myń teńgeden astam) aiyppul salyp, áýe kemesin tárkiledi. Apelliatsiia osy sheshimdi ózgerissiz qaldyrǵan.
Joǵarǵy sot isti qarap, áýe kemesiniń menshik iesi JShS emes, «Area Plus JV Limited» kompaniiasy ekenin anyqtady.
«ÁQBtK-niń 45-babynyń 2-bóligine sáikes, eger onyń Erekshe bóliginde basqasha kózdelmese, zań buzýshynyń menshigi ǵana tárkilenýge jatady. Buǵan qosa, kólikti tárkileý túrindegi jaza balamaly (mindetti emes) shara bolyp tabylady jáne ony qoldaný, qoldanbaý jaǵyn mán-jailardy eskere otyryp, sot sheshedi.
ÁQBtK-niń Erekshe bóligi baptarynyń sanktsiialarynda jazanyń balamaly túri bolǵan kezde ákimshilik jazany daralandyrý qaǵidatyn qatań saqtaýdy talap etedi. Sondyqtan sot jaza taǵaiyndaý kezinde quqyq buzýshylyqtyń mán-jaiyn eskerip, aldymen onsha qatań emes jazany, sodan keiin qatań jazany qoldaný múmkindigin qarastyrýy kerek», delingen habarlamada.
Joǵarǵy sottyń mamandandyrylǵan sot alqasy birinshi satydaǵy sottardyń sheshimderi men is boiynsha apelliatsiialardy ózgertti. Áýe kemesin tárkileý túrindegi qosymsha ákimshilik jazanyń kúshi joiyldy.
