Kollaj: Halyq Uni
Joǵarǵy sot jýrnalister Seiitqazy jáne Áset Mataevty aqtady, dep habarlaidy "Ult aqparat" vedomstvonyń baspasóz qyzmetine silteme jasap.
"Joǵarǵy Sot Bas Prokýrordyń narazylyǵy boiynsha sottalǵandar Seiitqazy Mataev pen Áset Mataevqa qatysty qylmystyq isti qarady.
24 maýsymda Joǵarǵy Sotqa kelip túsken narazylyqta Bas Prokýror is úshin eleýli mańyzy bar mán-jailar boiynsha sot tergeýiniń tolyq bolmaýyna bailanysty is boiynsha shyǵarylǵan sot aktileriniń kúshin joiýdy jáne qylmystyq isti apelliatsiiaǵa jańadan qaraýǵa jiberýdi surady.
Búgin, 19 shildede 7 sýdiadan turatyn Joǵarǵy Sottyń qylmystyq ister jónindegi sot alqasy narazylyqty qarap, sot aktileriniń kúshin joidy.
Seiitqazy jáne Áset Mataevtardyń áreketterinde qylmys quramynyń bolmaýyna bailanysty is boiynsha is júrgizý toqtatyldy" - delingen habarlamada.
QPK-niń 39-babyna sáikes aqtalǵandardyń qylmystyq protsesti júrgizýshi organnyń zańsyz áreketterinen keltirilgen ziiandy ótettirý quqyǵy tanylǵan. Narazylyq ishinara qanaǵattandyryldy.
