Almaty qalasynyń ákimi Baqytjan Saǵyntaev taýda qazaqstandyq alpinister tobynyń joǵalyp ketýine qatysty Instagram arqyly pikir bildirdi, dep habarlaidy "Ult aqparat".
«Tań ata jaisyz habar jetti. Ile Alataýynyń qyrǵyz jaǵynda qazaqstandyq bir top alpinist iz-túzsiz joǵalyp ketken. Jigitterimiz Qyrǵyzstan aýmaǵynda bolǵandyqtan, Syrtqy ister ministrligi men Ishki ister ministrliginiń bailanysta jumys istegeni jón. Quqyq qorǵaý organdary izdeý-qutqarý jumystaryn bastady. Han táńiri taýynan izdestirý ornyna quramynda taýda jaiaý júrip izdeitin qutqaratyn top bar tikushaq jiberildi. Qiyndyǵy sol, tikushaq biik shyńdardyń ústimen usha almaidy. Shyńnyń biiktigi - 4500 metr. Odan ári qarai izdestirý toby men eriktiler jumystaryn bastaidy. Qyrǵyz áriptesterimiz qoldaý kórsetedi dep senemiz», - dep jazdy Baqytjan Saǵyntaev.
Esterińizge sala keteiik, osyǵan deiin almatylyq alpinister tobynyń joǵalyp ketip, bireýiniń qaitys bolǵanyn jazǵanbyz.
Keiinirek joǵalǵan alpinisterdiń biriniń qyzy áleýmettik jeli arqyly qalyń kópshilikten kómek surady.
