الماتى قالاسىنىڭ ەكٸمٸ باقىتجان ساعىنتاەۆ تاۋدا قازاقستاندىق الپينيستەر توبىنىڭ جوعالىپ كەتۋٸنە قاتىستى Instagram ارقىلى پٸكٸر بٸلدٸردٸ, دەپ حابارلايدى "ۇلت اقپارات".
«تاڭ اتا جايسىز حابار جەتتٸ. ٸلە الاتاۋىنىڭ قىرعىز جاعىندا قازاقستاندىق بٸر توپ الپينيست ٸز-تٷزسٸز جوعالىپ كەتكەن. جٸگٸتتەرٸمٸز قىرعىزستان اۋماعىندا بولعاندىقتان, سىرتقى ٸستەر مينيسترلٸگٸ مەن ٸشكٸ ٸستەر مينيسترلٸگٸنٸڭ بايلانىستا جۇمىس ٸستەگەنٸ جٶن. قۇقىق قورعاۋ ورگاندارى ٸزدەۋ-قۇتقارۋ جۇمىستارىن باستادى. حان تەڭٸرٸ تاۋىنان ٸزدەستٸرۋ ورنىنا قۇرامىندا تاۋدا جاياۋ جٷرٸپ ٸزدەيتٸن قۇتقاراتىن توپ بار تٸكۇشاق جٸبەرٸلدٸ. قيىندىعى سول, تٸكۇشاق بيٸك شىڭداردىڭ ٷستٸمەن ۇشا المايدى. شىڭنىڭ بيٸكتٸگٸ - 4500 مەتر. ودان ەرٸ قاراي ٸزدەستٸرۋ توبى مەن ەرٸكتٸلەر جۇمىستارىن باستايدى. قىرعىز ەرٸپتەستەرٸمٸز قولداۋ كٶرسەتەدٸ دەپ سەنەمٸز», - دەپ جازدى باقىتجان ساعىنتاەۆ.
ەستەرٸڭٸزگە سالا كەتەيٸك, وسىعان دەيٸن الماتىلىق الپينيستەر توبىنىڭ جوعالىپ كەتٸپ, بٸرەۋٸنٸڭ قايتىس بولعانىن جازعانبىز.
كەيٸنٸرەك جوعالعان الپينيستەردٸڭ بٸرٸنٸڭ قىزى ەلەۋمەتتٸك جەلٸ ارقىلى قالىڭ كٶپشٸلٸكتەن كٶمەك سۇرادى.
