«Bolashaq» Qaýymdastyǵy QR Aqparat jáne qoǵamdyq damý ministrliginiń qoldaýymen, «Azamattyq bastamalardy qoldaý ortalyǵy» KEAQ memlekettik granty sheńberinde «Jastar uiymdarynyń netvorkingi jáne tájiribe almasýy» jobasyn bastady.
Nur-Sultan qalasynda bastaý alǵan sharaǵa elimizdiń ár óńirinen belsendi jastar jinaldy.
Joba aiasynda «Jas Otan» jastar qanaty tóraǵasy Dáýlet Káribek «Jastar ÚEU-nyń turaqty damýy men tiimdiligin attyrý» taqyrybynda master-klass ótkizdi.
Master-klass barysynda sharaǵa qatysýshy jastar taim-menedjment, mýltimádeniet, belgisizdik jaǵdaiynda sheshim qabyldaý, oilaý jáne tiimdi kommýnikatsiia taqyryptarynda aqparat aldy.
«Búgin biz jobalardy basqarý, oǵan qajetti qujattardy daiyndaý syndy túrli taqyryptarda pikir almasatyn bolamyz. Kez kelgen jumystyń kirisi jáne shyǵysy bolady. Ony qazirgi tańda taim menedjment dep ataidy. Iaǵni, biz jumys barysynda asa mańyzdy dúnie – ýaqytty tiimdi paidalana bilý kerektin umytpaǵanymyz abzal», - deidi «Jas Otan» jastar qanaty tóraǵasy.
Sonymen qatar álemniń basym bóligi qoldanatyn jobalyq standarttar (PMBOK. Guide Project Management Institute, PMI) jáne jobalyq basqarýdaǵy dálelder men derekter týraly keńirek sóz boldy.
«Qazaqstan jastary kongresi» ZTB atqarýshy direktory Nurlan Óteshov «Jastar saiasatynyń mańyzdy trendteri» taqyrybynda óz tájiribesin bólisti. Spiker jastar saiasatyndaǵy álemdik trendterdi ýaqytynda igerip, ony tájiribede qoldanýdyń artyqshylyqtary jóninde aitty.
«Bolashaq» Qaýymdastyǵy jastar arasynda aýqymdy joba bastap otyr. Bul – jastar úshin asa mańyzdy. Joba barysynda jastar jáne ÚEU arasynda jańa ideialardy damytýǵa jáne jastar saiasatyndaǵy túrli máseleredi taldaýǵa tyrysamyz», - deidi ol.
Ár óńirden kelgen jastar is-sharaǵa belsendi aralasyp, kókeikesti oilaryn ortaǵa saldy. Olar túrli taqyryptardy talqylyp, ózderine qyzyqty saýaldarǵa jaýap aldy.
«Búgingi uiymdastyrylyp jatqan shara óte joǵary deńgeide ótip jatyr. Barlyq qatysýshylar is-sharadan ózine qajetti maǵulmattar aldy dep oilaimyn. Búgingi bilgen-túigenderimizdi aldaǵy ýaqytta óz tájiribemizde qoldanarymyz anyq», - deidi «Otandastar Qory» kommertsiialyq emes aktsionerlik qoǵamynyń múshesi Nurymjan Jumaǵaziev.
Qatysýshylar 20 tamyz kúni Garvard ýniversiteti túlekterimen kezdesip, ózara tájiribe almasady. Sondai-aq 21 tamyz kúni AQSh jastar uiymdary ókilderi qazaqstandyq jastarmen tájiribe almasý maqsatynda Qazaqstan-AQSh jastary forýmy ótedi.
