- Mańyzdy jinalystarda qalǵyp otyratyn memlekettik qyzmetshilerdi zań aiasynda jaýapqa tartý múmkin emes. Óitkeni, «Memlekettik qyzmet týraly» zańda mundai tarmaqtar qarastyrylmaǵan. QR Memlekettik qyzmet isteri jáne sybailas jemqorlyqqa qarsy is-qimyl agenttigi Aqtóbe oblysy boiynsha departamentiniń basshysy, ádep jónindegi keńes tóraǵasy Qaiyrjan Tokýshev jýrnalisterdiń qalǵyp-múlgip otyratyn memlekettik qyzmetkerler týraly saýalyna osylai jaýap berdi.
«Qalǵyp ketý degen nárseniń ózin dáleldeý óte qiyn. Ol adam kózin jumyp qalýy múmkin. Al, endi ol adamǵa «sen osyndai jinalysta uiyqtap qalypsyń deseń, ol moiyndamaidy eshqashan. Dáleldeý úshin onyń qasynda birneshe adam kýá bolýy kerek. Jalpy, «Memlekettik qyzmet týraly» Zańda dál osyǵan qatysty norma joq. Bálkim, qabyldaǵan kezde zańgerler ondai másele bolmaidy dep oilaǵan shyǵar», - deidi Q.Tokýshev.
Esterińizge salsaq, buǵan deiin áleýmettik jeliler men birqatar saittarda mańyzdy jinalys kezinde qalǵyp otyrǵan Aqtóbe qalasynyń ákimi Iliias Ispanovtyń videosy taraǵan bolatyn.
Zada Zeiin, QazAqparat
