Biryńǵai jinaqtaýshy zeinetaqy qory salymshylarynyń jyl basynan bergi investitsiialyq tabysy 872 milliard teńgeni qurady, dep habarlaidy "Ult aqparat".
«2020 jylǵy 1 qyrkúiektegi jaǵdai boiynsha salymshylardyń (alýshylardyń) zeinetaqy jinaqtary 2020 jylǵy qańtar-tamyzda 1 440,9 mlrd teńgege nemese 13,3%-ǵa artyp, 12 241,4 mlrd teńge boldy», – dep habarlady Ulttyq banktiń baspasóz qyzmeti.
2020 jyldyń basynan beri taza investitsiialyq kiris 871,9 mlrd teńgeni qurady. Mindetti zeinetaqy jarnalary boiynsha salymshylardyń jeke zeinetaqy shottarynyń sany 11 mln-ǵa jetti.
2020 jylǵy qańtar-tamyzda zeinetaqy tólemderiniń somasy 117,5 mlrd teńge boldy.
2020 jylǵy 1 qyrkúiekte BJZQ-nyń jiyntyq investitsiialyq portfeliniń negizgi úlesin Qazaqstan Respýblikasynyń memlekettik baǵaly qaǵazdary jáne Qazaqstan Respýblikasy emitentteriniń memlekettik emes baǵaly qaǵazdary (tiisinshe zeinetaqy aktivteriniń jalpy kóleminiń 43,5%-y jáne 26,4%-y) alady.
