Jezqazǵan qalasynyń mańynda ornalasqan qystaqqa belgisiz eki erkek kelip, úi ielerin uryp tastaǵan. Politseiler qaskúnemderdi ustady. Qazirgi ýaqytta tártip saqshylary uryp-soǵý sebebin anyqtap jatyr, dep habarlaidy QazAqparat.
11 qyrkúiekte Qaraǵandy oblysy Jezqazǵan qalasynyń PB-na qala mańynda ornalasqan qystaqqa belgisiz tulǵalar shabýyl jasaǵany týraly habarlama kelip tústi.
Oqiǵa ornyna jedel-tergeý toby barǵan. Belgili bolǵandai, shamamen tańǵy 7.30-da qystaqqa kútpegen jerden eki belgisiz adam kelgen.
Buzaqylyq nietpen olar 52 jastaǵy er adam men onyń 23 jastaǵy ulyn uryp-soǵyp, sodan keiin qashyp ketken.
Túrli jaraqat alǵan zardap shekkenderdiń biri Jezqazǵan qalasynyń meditsinalyq mekemesine jatqyzyldy. Politseiler qaskúnemderdiń ÝAZ avtokóligimen júrgenin anyqtaǵan.
«Jedel-izdestirý sharalary barysynda politsiia qyzmetkerleri 32 jáne 35 jastaǵy eki er adamdy ustady. Kúdiktiler kánisin moiyndady. QR QK 107-baby «Densaýlyqqa qasaqana aýyrlyǵy ortasha ziian keltirý» boiynsha qylmystyq is qozǵaldy. Qaskúnemder ýaqytsha ustaý izoliatoryna qamaldy. Tergeý júrip jatyr», - dep habarlady Qaraǵandy oblysy PD.
