Jańa kún elektr stantsiiasy Jezqazǵan mańyndaǵy Keńgir aýylynda salynyp jatyr, dep habarlaidy "Ult aqparat".
Búginde 29 300 kún panelderiniń 5200-i ornatylǵan. Jumystardy jyl sońyna deiin aiaqtaý josparlanýda, stantsiianyń ashylýy 22 jeltoqsanǵa belgilengen.
Onyń qýattylyǵy 10 Mvt teń. Qurylys jumystaryna 74 adam jumyldyrylǵan. Jumystar aiaqtalǵan soń stantsiiada 10 adam turaqty jumyspen qamtylady.
«Bolashaqta kún elektr stantsiialarynyń kóbeiýimen bizder tarifter baǵasyn tómendete alamyz. Bul óte qymbat tehnologiia, sondyqtan elektr energiiasynyń ózi arzan emes. Alaida kún elektr stantsiialarynyń sany artsa, bul baǵalardyń tómendeýine yqpal etedi», - dep túsindirdi apparattyq jiynda energetika jáne TKSh basqarmasynyń basshysy Ulantai Úsenov.
Búginde oblystaǵy Saranda, Aqtoǵai aýdanynyń Gúlshat aýylynda jáne Shet aýdanynyń Aqadyr aýylynda úsh kún elektr stantsiialary jumys jasaidy. Olar óndiretin barlyq elektr qýaty tutynýshylarǵa esh áserin tigizbeýde. Alaida, zamanaýi kún elektr stantsiialarynyń kóbeiýimen bul jaǵdai ózgerýi múmkin.
Jańa energiia kózderiniń iske qosylýymen jyl basynan beri oblysta 147,1 mln. kVt/saǵat qýat óndirilgen. Jyl sońyna deiin bul kórsetkish 190 mln. kVt/saǵatty quraidy.
Kún elektr stantsiialaryn ashý arqyly oblysqa 94 mlrd teńge kóleminde investitsiia tartylyp, 58 jańa jumys oryndary quryldy.
