Qairat Ábsattarov Jezqazǵan ákimi qyzmetinen ketti, - dep habarlaidy "Ult aqparat" qala ákimdigine silteme jasap.
"Jezqazǵan qalasynyń ákimi Qairat Ábsattarovty basqa jumysqa aýysýyna bailanysty shyǵaryp salý rásimi ótti. Ulytaý oblysynyń ákimi Berik Ábdiǵaliuly jáne áriptesteri Qairat Bektaiulyna rizashylyqtaryn bildirip, qurmet kórsetti" - delingen resmi habarlamada.
Qairat Ábsattarov 1966 jyly Qaraǵandy oblysynyń Jezqazǵan qalasynda dúniege kelgen. Úsh joǵary bilimi bar: 1990 jyly Qaraǵandy politehnikalyq institýtyn "Avtomobil jáne avtomobil sharýashylyǵy" mamandyǵy boiynsha; 1998 jyly - O.A. Baiqońyrov atyndaǵy Jezqazǵan ýniversitetin "Ekonomika jáne óndiristi basqarý" mamandyǵy boiynsha; 2018 jyly - "MISiS" Ulttyq tehnikalyq zertteý ýniversitetin "Iskerlik ákimshiliktendirý magistri" mamandyǵy boiynsha támamdaǵan.
1990-1997 jyldary Jezqazǵannyń avtomobil ónerkásibiniń ónerkásip kásiporyndarynda, Qaraǵandy oblysynyń ákimshilik apparatynda eńbek etti.
Strategiialyq josparlaý jáne reformalaý agenttiginde, Qazaqstan Prezidentiniń Ákimshiliginde jumys istegen, Bailanys jáne aqparat ministrliginiń jaýapty hatshysynyń laýazymyn atqardy, sonymen birge kólik jáne kommýnikatsiia vitse-ministri, QR birneshe ministrlikterinde komitet tóraǵasy boldy, odan keiin Qazaqstan Respýblikasynyń premer-ministriniń kantseliariiasyn, Óńirlik damý departamentin basqardy.
2019 jyldan bastap "Azamattarǵa arnalǵan úkimet" memlekettik korporatsiiasy basqarmasy tóraǵasynyń birinshi orynbasary - basqarma múshesi boldy.
2020 jyly tamyzda Jezqazǵan qalasynyń ákimi bolyp taǵaiyndaldy.
Qairat Ábsattarov "Qurmet" ordenimen marapattalǵan.
