Foto: pexels.com
Jetisý oblysynyń politseileri jańa týǵan náresteni satýdyń qos deregin anyqtady, dep habarlaidy "Ult aqparat" vedomstvonyń baspasóz qyzmetine silteme jasap.
Eki jaǵdai da Panfilov aýdanynda tirkelgen jáne bul qylmystardy 23 jastaǵy jas áiel jasaǵan. Eki fakti boiynsha sotqa deiingi tergeý amaldary júrgizilip jatyr.
Anyqtalǵandai, jas kelinshek osy jyldyń qyrkúiek aiynda perzentsiz erli-zaiyptylarmen kelisim jasap, jańa týǵan ulyn 1 million teńgege satyp jibergen. Tergeý barysynda politseiler ótken jyldyń qazan aiynda kúdikti dál osyndai qylmys jasaǵandyǵyn anyqtady. Belgili bolǵandai, jas áiel ul balany 1 million teńgege satqan.
"Qylmystyq tergep-tekserý materialdarynda mámile jasaý kezinde deldal jáne satyp alýshy bolǵan taǵy 3-4 adam bar.
Áielge qatysty «Kelý týraly mindetteme» bultartpaý sharasy tańdaldy. Balalarǵa keletin bolsaq, ázirge ekeýi de asyrap alǵan ata-anasynyń qasynda. Olardyń bolashaq taǵdyryn qorǵanshylyq jáne qamqorshylyq organdary sheshedi" - delingen habarlamada.
