Jetisý oblysynyń ákimi Beibit Isabaev óz qyzmetiniń basty baǵyttary týraly aitty, dep habarlaidy QazAqparat Jetisý oblysy ákiminiń baspasóz qyzmetine silteme jasap.
Jýrnalisterdiń suraqtaryna jaýap berý barysynda Beibit Isabaev Memleket basshysynyń tapsyrmasyna sáikes eń aldymen halyqtyń turmys jaǵdaiyna, densaýlyǵyna, laiyqty tabys tabýyna, jumyspen qamtamasyz etilýine basty nazar aýdarylatynyn jetkizdi. «Ekinshi, ádildik printsipi. Zańnyń barshaǵa ortaq bolýyn, zańnyń basymdyǵyn qamtamasyz etýimiz kerek. Áleýmettik ádiletsizdik bolmaýy kerek, áleýmettik ádilettilik printsipin saqtaýymyz kerek», - dedi oblys ákimi meditsina mamandaryn kásibi merekesine arnalǵan saltanatty sharada.
Sol siiaqty tabiǵaty kórkem, sýy mol óńirde aýyl sharýashylyǵy, óńdeý óndirisi, týrizm salalaryn damytýǵa, aimaqqa jańa investorlar tartýǵa basymdyq berý kerek dep topshylaitynyn aitty.
Sonymen birge ol Jetisý oblysy ákimdiginiń ýaqytsha ornalasý orny týraly alypqashpa sózderge núkte qoidy.
«Jańa Jetisý oblysy ákimdiginiń Saltanat saraiynda ornalasýyn qalamadym. Saltanat saraiy - bul halyqqa qajetti nysan, jastar neke qiiatyn oryn. Ol jumys isteýi kerek, halyqqa qyzmet etýi kerek. Jastardyń jolyna bóget bolýǵa bizdiń qaqymyz joq. Sondyqtan biz Taldyqorǵan qalalyq ákimdigi ǵimaratyna ýaqytsha ornalastyq. Oblys ákimdiginiń órtengen ǵimaraty qalpyna keltirilgennen keiin biz kúzge qarai sol ornymyzǵa kóshemiz dep oilaimyn», - dedi Jetisý oblysynyń ákimi Beibit Isabaev.
