Foto: Almaty oblysynyń ákimdigi
Jetisý oblysynyń ákimdigi Taldyqorǵandaǵy Neke saraiy ǵimaratynda ornalasady. Bul aqparatty Almaty oblysy ákimdigi rastady, - dep habarlaidy Tengrinews.kz agenttigi.
"Bul ýaqytsha. Saltanat saraiy ǵimaraty jumys kúnderi bos bolǵan soń tańdaldy, saltanatty is-sharalar ótkizilmeidi", - dedi Almaty oblysy ákiminiń baspasóz hatshysy Rýslan Erbota.
AHAJ ǵimaratynyń jalpy aýdany - 3531 sharshy metr. Munda Taldyqorǵan jáne oblystyń jaqyn aýdandarynyń jas jubailary tirkelgen.
Aldaǵy ýaqytta nekeni tirkeý jergilikti jumyspen qamtý jáne áleýmettik qorǵaý basqarmasynyń ǵimaratynda júrgiziletini belgili boldy. Saltanatty neke qiiý rásimi Biken Rimova atyndaǵy teatrda ótedi.
Aita keteiik, Taldyqorǵandaǵy Neke saraiy 2017 jyly salynǵan edi. Qurylysqa bir milliardtan asa qarajat jumsalǵan. Ǵimaratta qalyńdyq pen kúieý jigittiń bólmeleri, nekeni saltanatty tirkeý zaly, qonaqtarǵa arnalǵan kútý zaly, 160 oryndyq meiramhana, keń holl jáne májilis zaly bar.
