Foto: canva.com
Jetisý oblysynda prokýrorlar bilim berý mekemelerinde 300-den asa sanitarlyq-epidemiologiialyq normalar men órt qaýipsizdigi buzylǵanyn anyqtady, dep habarlaidy «Ult aqparat».
Sarqan aýdany men Taldyqorǵan qalasyndaǵy eki mekteptiń aýmaqtary tolyǵymen qorshalmaǵan, bul olardyń aýmaǵyna bógde adamdardyń ońai kirip ketýine múmkindik beredi.
"60 mektepte beinebaqylaý kameralarynyń kópshiligi jumys istemeidi, onyń 170-i ǵana politsiianyń ortalyq jedel bólimderine qosylǵan. 25 mektep merzimi ótip ketken sanitariialyq qorytyndylarmen jumys istegen.
Keibir jaǵdailarda merzimi ótip ketken dári-dármek pen azyq-túlikti saqtaý derekteri tirkelgen", - dep jazylǵan vedomstvo habarlamasynda.
17 mektepte oqýshylardyń tyiym salynǵan internet-kontentterge erkin qol jetkizý jaǵdailary anyqtaldy.
Mektepterde buryn qasaqana qylmys jasaǵany úshin qylmystyq jaýapkershilikke tartylǵan úsh kúzetshi jumys istegen.
Máselen, olardyń biri asa iri kólemde esirtki saqtaǵany úshin 11 jylǵa bas bostandyǵynan aiyrylǵan.
Sonymen qatar, Kerbulaq aýdany bilim bóliminiń esepshileriniń biýdjet qarajatyn jymqyrý deregi boiynsha sotaldy tergeý bastaldy.
Zańbuzýshylyqtardy joiý boiynsha 40 qadaǵalaý aktisi engizildi, 135 tulǵa ákimshilik jaýapkershilikke tartylsa, 41-i tártiptik jaýapkershilikke tartyldy.
