فوتو: canva.com
جەتٸسۋ وبلىسىندا پروكۋرورلار بٸلٸم بەرۋ مەكەمەلەرٸندە 300-دەن اسا سانيتارلىق-ەپيدەميولوگييالىق نورمالار مەن ٶرت قاۋٸپسٸزدٸگٸ بۇزىلعانىن انىقتادى, دەپ حابارلايدى «ۇلت اقپارات».
سارقان اۋدانى مەن تالدىقورعان قالاسىنداعى ەكٸ مەكتەپتٸڭ اۋماقتارى تولىعىمەن قورشالماعان, بۇل ولاردىڭ اۋماعىنا بٶگدە ادامداردىڭ وڭاي كٸرٸپ كەتۋٸنە مٷمكٸندٸك بەرەدٸ.
"60 مەكتەپتە بەينەباقىلاۋ كامەرالارىنىڭ كٶپشٸلٸگٸ جۇمىس ٸستەمەيدٸ, ونىڭ 170-ٸ عانا پوليتسييانىڭ ورتالىق جەدەل بٶلٸمدەرٸنە قوسىلعان. 25 مەكتەپ مەرزٸمٸ ٶتٸپ كەتكەن سانيتارييالىق قورىتىندىلارمەن جۇمىس ٸستەگەن.
كەيبٸر جاعدايلاردا مەرزٸمٸ ٶتٸپ كەتكەن دەرٸ-دەرمەك پەن ازىق-تٷلٸكتٸ ساقتاۋ دەرەكتەرٸ تٸركەلگەن", - دەپ جازىلعان ۆەدومستۆو حابارلاماسىندا.
17 مەكتەپتە وقۋشىلاردىڭ تىيىم سالىنعان ينتەرنەت-كونتەنتتەرگە ەركٸن قول جەتكٸزۋ جاعدايلارى انىقتالدى.
مەكتەپتەردە بۇرىن قاساقانا قىلمىس جاساعانى ٷشٸن قىلمىستىق جاۋاپكەرشٸلٸككە تارتىلعان ٷش كٷزەتشٸ جۇمىس ٸستەگەن.
مەسەلەن, ولاردىڭ بٸرٸ اسا ٸرٸ كٶلەمدە ەسٸرتكٸ ساقتاعانى ٷشٸن 11 جىلعا باس بوستاندىعىنان ايىرىلعان.
سونىمەن قاتار, كەربۇلاق اۋدانى بٸلٸم بٶلٸمٸنٸڭ ەسەپشٸلەرٸنٸڭ بيۋدجەت قاراجاتىن جىمقىرۋ دەرەگٸ بويىنشا سوتالدى تەرگەۋ باستالدى.
زاڭبۇزۋشىلىقتاردى جويۋ بويىنشا 40 قاداعالاۋ اكتٸسٸ ەنگٸزٸلدٸ, 135 تۇلعا ەكٸمشٸلٸك جاۋاپكەرشٸلٸككە تارتىلسا, 41-ٸ تەرتٸپتٸك جاۋاپكەرشٸلٸككە تارتىلدى.
