Jetisý oblysynda qalyń nóser saldarynan ózen arnasynan tasyp, jańadan salynyp jatqan joldyń eki kópirin shaiyp ketti, - dep habarlaidy QazAqparat.
«15 maýsym kúni jaýyn-shashynnyń kóp túsýine bailanysty oblystyq mańyzy bar jol, Saryózek-Kóktal, Shanhanai aýylyna kireberis joldaǵy eki qubyrly kópirdi shaiyp ketti. Qazirgi ýaqytta jol jabyldy. Ainalma jol bar», - delingen oblystyq tótenshe jaǵdailar departamentiniń baspasóz qyzmeti taratqan habarlamada.
Ózen sýy eki qubyr tárizdi kópirdi shaiyp, jol boiynda ornalasqan tórt úidiń aýlasyna kirgen.
Zardap shekkkender joq. Tótenshe jaǵdai departamentinen 7 adam jáne 1 tehnika, jergilikti atqarýshy bilik tarapynan oqiǵa saldaryn joiýǵa kiristi.
Kerbulaq aýdany ákimdiginiń málimetinshe ainalma jol bar. Qozǵalys qalpyna keltirildi.
