Foto: instagram.com/kris_p_tdk
Jetisý oblysy Tótenshe jaǵdailar departamenti ókili Alakól aýdanynyń taýly aimaqtaryndaǵy órt týraly jańa málimetter aitty, - dep habarlaidy Tengrinews.kz.
TJD málimetinshe, 9 qyrkúiekte tańerteń órttiń jalpy aýdany 200 gektar bolǵan. Bul keshegi derektermen salystyrǵanda, eki ese kóp.
"2022 jylǵy 9 qyrkúiekte tańǵy saǵat 8-den bastap Mi-8 tikushaǵy órt oshaqtaryn naqtylaý úshin ushyp shyqqan edi. Keiin sý shashý jumystary qaita jandandy. Órt sóndirý jergilikti jerdiń taýly bolýyna, sekýndyna 20 metrge deiin soqqan jel ekpini men meteojaǵdaiǵa bailanysty kúrdelendi", - dedi óńirlik TJD ókili.
Órt sóndirýge 173 adam, 1 tikushaq, 16 tehnika, 70 aspaly búrikkish jáne 6 jylqy jumyldyrylǵan. Qaza bolǵandar men zardap shekkender joq.
Eske salaiyq, 8 qyrkúiekte Jetisý oblysy Alakól aýdanyndaǵy Dostyq stantsiiasy mańynda qurǵaq shóp pen butalar órtengen bolatyn.
