Túrkistan oblysy, Jetisai aýdanynda 20 avtokólikti tonady degen kúdikpen jergilikti turǵyn ustaldy. Tergeý barysynda kúdiktiniń jábirlenýshilerge million teńgeden asa shyǵyn keltirgeni anyqtaldy, dep habarlaidy "Ult aqparat".
Oblystyq PD baspasóz qyzmetiniń málimetinshe, seziktini ustaýǵa jergilikti turǵynnyń aryzy sebep bolǵan. Ol «Aýdi» markaly kóliginen belgisiz bireýler magnitofonyn urlap ketkenin kórsetken. Qylmysty ashý maqsatynda kriminaldy politsiia men jergilikti politsiia qymetkerleri arasynan jedel-tergeý toby qurylǵan. Nátijesinde buryn sotty bolǵan ári jumyssyz jergilikti turǵyn ustaldy.
Qazirgi tańda atalmysh jait negizinde Qylmystyq kodekstiń 188-baby («Urlyq») boiynsha is qozǵalyp, sotqa deiingi tergeý amaldary júrgizilýde. Kúdikti qamaýǵa alynyp, urlanǵan zattar izdestirilip jatyr.
