Jergilikti atqarýshy organdardyń bilim berý granttaryna qujat qabyldaý merzimi 10 tamyzda bastaldy. Ótinishterdi joǵary oqý oryndarynyń qabyldaý komissiialary qaraidy, - dep habarlaidy Tengrinews.kz agenttigi Ǵylym jáne joǵary bilim ministrligi baspasóz qyzmetine silteme jasap.
Vedomstvo málimetinshe, qujattardy qabyldaý merzimi týraly aqparatty ákimdikten nemese olardyń resmi saitynan alýǵa bolady.
"Jyl saiyn mamandardy maqsatty daiarlaýǵa jergilikti atqarýshy organdardyń (ákimdikterdiń) biýdjetinen bilim berý granttary bólinedi. Ákimdikterdiń granttary konkýrstyq negizde taǵaiyndalady. Bul rette halyqtyń áleýmettik osal toptaryna jatatyn talapkerlerge erekshe kóńil bólinedi.
Elimiz boiynsha jergilikti atqarýshy organdar 3 myńǵa jýyq grant bóldi. Negizinen, ákimdikterge pedagogter, meditsina qyzmetkerleri jáne aýyl sharýashylyq salasynyń mamandary qajet", - delingen habarlamada.
Biyl elorda ákimdigi bakalavriat deńgeii boiynsha mamandardy daiarlaýǵa eń kóp tapsyrys bergen.
"Nur-Sultan qalasynyń ákimdigi pedagogikalyq jáne meditsinalyq mamandyqtar úshin 1200-ge jýyq grant bóldi. Shyǵys Qazaqstan oblysy Abai oblysymen birlesip 450 grant, Aqmola oblysy 229 grant taǵaiyndady.
Ult ustazy Ahmet Baitursynulynyń 150 jyldyǵyn toilaýǵa orai Qostanai oblysynyń ákimdigi Baitursynov atyndaǵy Qostanai óńirlik ýniversitetinde oqýǵa 15 grant bóldi. Óner salasynyń mamandaryn daiarlaýǵa tek Soltústik Qazaqstan oblysynyń ákimdigi grant bólip otyr, olarjergilikti biýdjet esebinen 15 maman oqytýǵa daiyn", - dedi ministrlik ókilderi.
Shymkent qalasy men Túrkistan oblysynyń ákimdikteri biyl bakalavriatta mamandardy oqytýǵa tapsyrys jasamaǵan. Almaty jáne Pavlodar oblysynyń ákimdikteri óńirdiń joǵary oqý ornynan keiingi meditsinalyq bilimi bar mamandardy daiarlaýǵa qajettiligin eskere otyryp, oblystyq biýdjet qarajatynan tek magistratýra men rezidentýranyń bilim berý baǵdarlamalary boiynsha granttar bóledi.
Bilim berý grantyn taǵaiyndaý konkýrsyna qatysý úshin úmitker joǵary oqý ornynyń qabyldaý komissiiasyna kelesi qujattardy tapsyrady:
- bilimi týraly qujat;
- UBT sertifikaty;
- jeke basyn kýálandyratyn qujattyń kóshirmesi;
- jeńildik sanatyn rastaityn qujattar.
"Grantty taǵaiyndaý týraly sheshimdi ákimdik janynan qurylǵan arnaiy komissiia qabyldaidy. Joǵary oqý oryndaryna qabyldaý 25 tamyzǵa deiin júrgiziledi", - delingen habarlamada.
