Qazaqstan Qorǵanys ministrliginde jemqorlyqqa qarsy zańnamanyń oryndalýyn baqylaý komissiiasynyń kezekti otyrysy ótti. Bul týraly "Ult aqparat" QM baspasóz qyzmetine silteme jasap habarlaidy.
Otyrys barysynda 2019 jyl boiynsha qyzmet qorytyndy jasalyp, Uiymdastyrý-jumyldyrý jumystary departamentiniń laýazymdy tulǵalary tyńdalyp, sonymen qatar, QR Sybailas jemqorlyqqa qarsy agenttiginiń Armiia ortalyq sport klýby laýazymdy tulǵalaryna usynymy qaraldy.
Qorǵanys ministriniń orynbasary Baýyrjan Tortaev basshylyq etken komissiia jemqorlyqqa qarsy standarttardy saqtamai jáne tártiptik jaza jasaýǵa barǵan QR QM AOSK ofitseriniń laýazymǵa sáikestigi jóninde usynystar berdi. Odan bólek, komissiia jergilikti basqarý organdarynyń qyzmetiniń jemqorlyqqa barýǵa táýekeldigin taldaý, kadrlardy taǵaiyndaý men laýazymǵa qoiýdy monitoringteý, Almaty qalasy Qorǵanys ister jónindegi departamentiniń qyzmetin tekserip, atalǵan departamenttiń bólimshe serjantyn Qarýly Kúshter qatarynan shyǵarý týraly sheshim qabyldady.
Búgingi tańda jemqorlyqqa qarsy árekette aldyn-alý sharalary mańyzdy ról atqarady. Qazaqstan Qarýly Kúshterinde 8230 profilaktikalyq sharalar ótti. Qabyldanǵan sharalardyń nátijesinde 2019 jyly jemqorlyqqa qatysty qylmystyń sany ótken jylmen salystyrǵanda 76% tómendegen.
Aǵymdaǵy jyly jemqorlyqqa qarsy áreket jaiyndaǵy zańnamany oryndaýdy baqylaý boiynsha Qorǵanys ministrligi komissiiasy 6 otyrys ótkizip, nátijesinde áskerge shaqyrý, memlekettik qyzmet kórsetý men memlekettik satyp alý, áskeri basqarý organdarynyń qyzmeti salasynda 25 usynylymdar engizildi.
Qorǵanys ministrliginiń kóshpeli toby Semei, Almaty, Taraz, Qaraǵandy jáne Atyraý garnizondarynda sybailas jemqorlyqqa qarsy zańnamanyń talaptaryn jetkizdi. Tájiribe almasý sheńberinde QR QK jáne RF áskeri politsiia organdarynyń laýazymdy tulǵalarymen kezdesýler ótkizildi. Áskeri joǵary oqý oryndary men Kadet korpýsyn oqytý baǵdarlamasyna jańa tártip engizildi, ol áskeri quqyq jáne sybailas jemqorlyqqa qarsy mádeniet negizderi.
