Úndistanda kólikterdiń biri asfalt astyna ketti. Oqys jaǵdaidyń videosy kópshiliktiń záresin alǵan, dep habarlaidy The Times of India basylymyna silteme jasaǵan KAZ.NUR.KZ portaly.
The Times of India basylymynyń aqparatyna sáikes, oqys jaǵdai Mýmbai qalasynda bolǵan. Turaqta turǵan SUV kóliginiń kenetten jer astyna ketip, ǵaiyp bolǵan sátin kýágerler videoǵa túsirip, jelige jariia etken.
Keiin belgili bolǵandai, júrgizýshi kóligin qudyq ústine qoiyp ketken eken. Qudyqtyń jartysy beton plitamen jabylyp turǵasyn, jurt onda kóligin qoiýdy ádetke ainaldyrypty.
Saldarynan sanaýly sekýnd ishinde kólik jer astyna kirip ketedi.
Aita keterligi, mundai qudyqtar jergilikti óńirlerde jii kezdesip jatady.
Alaida sońǵy kúnderi bolǵan qatty jaýyn saldarynan beton kóliktiń salmaǵyn kótere almai, qirai bastaǵan.
Abyroi bolǵanda, oqys jaǵdai kezinde kólikte eshkim bolmaǵan.
