Almaty qalalyq TJD jer silkinisi bolǵan oshaqta ahýal turaqty ekenin jetkizdi, dep habarlaidy QazAqparat.
«Politsiia departamentiniń jedel basqarý ortalyǵyndaǵy aqparatqa sensek, jer silkinisi bolǵan jerde eshqandai buzylý, qiraý deregi tirkelgen joq. Ahýal turaqty. «Qazseldenqorǵaý» MKK málimetinshe, gidrotehnikalyq quraldarda eshqandai jarylý bolǵan joq. Sel qaýpi bar, tasqyn júrýi yqtimal jerlerde qater týǵyzatyn eshqandai derek tirkelmedi», - dep málim etti TJD baspasóz qyzmeti.
Aita ketý kerek, búgin 15:07-de Almatyda jer silkinisi boldy. Qala turǵyndary shamaman 2-3 baldyq qýaty bar dúmpýdi sezdi. Jerasty dúmpýleriniń oshaǵy qalaǵa tym jaqyn, 5 shaqyrym qashyqtyqta bolǵan.
