Búgingi kúnge deiin atyraýlyqtardan jer reformasyna qatysty 27 usynys-pikirler kelip tústi. Bul týraly búgin Atyraýda ótip jatqan Jer reformasy boiynsha respýblikalyq komissiianyń kezekti otyrysynda málim boldy. Atyraý oblystyq qoǵamdyq keńesiniń tóraǵasy M. Óteshevtiń aitýynsha, jergilikti halyq jeke turǵyn úi qurylysyna jer bólý, sheteldikterge aýyl sharýashylyǵy maqsatyndaǵy jer ýchaskelerin satýǵa jáne jalǵa berýge tyiym salý, jerdi jalǵa berýdiń burynǵy 10 jyldyq normasyn qaldyrý, jer ýchaskelerin tiimdi paidalanǵandarǵa óz jerlerin jekemenshikke satyp alý múmkindikterin qarastyrý, jerge baqylaýdy kúsheitý siiaqty máseleler tóńireginde óz usynys-pikirlerin bildirgen.
«Búginge deiin qoǵamdyq keńeske turǵyndardan 27 usynys-pikirler kelip tústi. Qoǵamdyq keńes músheleri jer reformasy máselelerin aqparattyq-túsindirý jumystary boiynsha qurylǵan 29 toptyń quramyna engizildi (oblystyq – 4, qalalyq – 4, aýdandar - 21). Top músheleri mekemeler men uiymdarda 131 kezdesý ótkizip, sonyń barysynda 171 másele talqylandy. Eń bastysy, qazirgi kezde qoǵamdyq keńester Jer reformasy boiynsha respýblikalyq komissiiamen ózara tiimdi is-áreketterdi júzege asyrýda. Mysaly, oblystyq deńgeidegi kezdesýde keńeske qatysýshylar qoǵamdyq keńes hatshylyǵyn halyqtyń usynystaryn jinaqtap, respýblikalyq komiissiia qaraýyna joldaityn ortaq organ retinde bekitti»,- dedi M. Óteshev komissiia otyrysynda. Ol sondai-aq oblys ákimdigi janynan qurylǵan «Jer reformasy máseleleri boiynsha call-ortalyqqa (27-01-11)» qońyraý shalǵan atyraýlyqtar jer reformasyna qatysty alýan túrli saýaldaryna jaýap alyp jatqanyn da jetkizdi.
Máselen, búginge deiin call-ortalyqqa 70 adamnan qońyraý túsipti. Sonyń ishinde 55-i – jeke turǵyn úi qurylysy máselesin, 12-si – jeke máselesin, 3-ýi – jer reformasy boiynsha suraǵan. Qońyraýlardan baiqalǵanyndai, turǵyndardyń basym kópshiligin (78 paiyzy) jeke turǵyn úi qurylysyna jer ýchaskelerin alý máselesi qyzyqtyrady. Óteshevtiń aqparaty boiynsha, 2016 jyldyń 1 maýsymyna deiin jeke turǵyn qurylysyna jer telimin alý týraly ótinish bergenderdiń sany 81 551-di quraǵan. Sonyń ishinde, tek Atyraý qalasy boiynsha 73 myńǵa jýyq (89 paiyzy) aryz tirkelgen. - Alaida infraqurylym tartylǵan daiyn alańdardyń bolmaýy saldarynan mundai ótinishter baiaý qanaǵattandyrylýda,- dep atap ótti M. Óteshev.
Ámirlan Álimjan
