QR Premer-Ministriniń orynbasary Eraly Toǵjanov Jer reformasy jónindegi komissiianyń birinshi otyrysyn qorytyndylady, dep habarlaidy "Ult aqparat".
«Kóterilgen suraqtardyń bári mańyzdy. Sondyqtan aptasyna bir ret jinalýǵa usynys beremin. Bárińiz jumystaǵy azamatsyzdar ǵoi, senbi kúni tańǵy 10-da jinalyp otyrýǵa qarsy emessizder me? Aitqan oilaryńyzǵa tolyq qosylamyn jáne alǵys aitamyn. Búgin 60 shaqty usynys tústi, bárin jazyp aldyq. Ishterińizde de talai suraq bar ekeni belgili, onyń bárin aldaǵy otyrystarda birge talqylaimyz. Búgin de segiz memlekettik organnyń ókilderi arnaiy shaqyryldy, olardy kúndelikti jumys isteitin top dep qabyldaimyz. Berilgen usynystardyń bárin taldap, 3-4 topqa bólip shyǵarsaq, árbir top kelesi senbige deiin naqty jumys isteidi», - dedi spiker.
Aita keteiik, búgin Jer reformasy jónindegi komissiianyń birinshi otyrysy ótti. Sanitarlyq normalardy saqtaý qajettiligine bailanysty komissiia jumysy Aýyl sharýashylyǵy ministrliginiń resmi saitynda jáne Facebook paraqshasynda onlain kórsetildi.
