Qazaqstanda jer qoinaýyn paidalanýshylarǵa aǵash otyrǵyzyp, ormanǵa ainaldyrý mindetteledi, dep habarlaidy QazAqparat.
Bul týraly QR Ekologiia, geologiia jáne tabiǵi resýrstar vitse-ministri Erlan Nysanbaev málimdedi.
Jańa mindetteme «QR keibir zańnamalyq aktilerine agroónerkásiptik keshendi retteý máseleleri boiynsha ózgerister men tolyqtyrýlar engizý týraly» QR zańynda kórsetilgen.
«Jer qoinaýyn paidalanýshylarǵa ýran óndirýde ormanǵa aǵash otyrǵyzý boiynsha mindetteme berildi. Olar ózderi paidalanǵan aýmaqtan eki ese úlken kólemde ormanǵa ainalǵansha kútip-baptaýy tiis. Odan bólek, memlekettik orman qorynyń jeri paidaly qazbalar óndirý sýbektilerine aýysqanda, bul ýchaskeden 2 ese úlken aýmaqqa orman daqyldaryn otyrǵyzyp, 3 jyl kútip-baptaý mindettemesi kózdelgen», - dedi Erlan Nysanbaev Ortalyq kommýnikatsiialar qyzmetinde ótken baspasóz máslihatynda.
Aita keteiik, Memleket basshysy «QR keibir zańnamalyq aktilerine agroónerkásiptik keshendi retteý máseleleri boiynsha ózgerister men tolyqtyrýlar engizý týraly» QR zańyna qol qoidy.
