.jpeg)
«Jer amanaty» komissiiasynyń «jedel jelisine» jer máseleleri boiynsha 985 ótinish kelip tústi. Onyń barlyǵy óńirlik komissiialardyń qaraýyna berildi, dep habarlaidy "Ult aqparat".
«Búginde aýyl sharýashylyǵy maqsatyndaǵy jer tapshylyǵy máselesi ózekti problema bolyp otyr. Partiianyń mobildi qoǵamdyq qabyldaýy el aralaǵan kezde óńir turǵyndary osy máselelerdi kóterdi. Bir aida «Jer amanaty» komissiiasynyń «jedel jelisine» jer máseleleri boiynsha 985 ótinish kelip tústi. Kóbinese bul ótinishter jaiylym jer bólý máselesine – 62%, shalǵaidaǵy jaiylymdar men jer ýchaskelerin alý kezinde kómek kórsetilýine – 28% qatysty boldy», – dedi «AMANAT» partiiasy Respýblikalyq qoǵamdyq qabyldaý bólmesiniń meńgerýshisi Áliia Sadyrbaeva.
7 shildede «Jer amanaty» komissiiasynyń jer máseleleri jónindegi «jedel jelisi» iske qosylǵan bolatyn. Osylaisha, qazaqstandyqtar barlyq zań buzý faktileri týraly 8 800 080 44 41 telefony boiynsha habarlai alady. Ótinimder WhatsApp arqyly da + 77008004441 nómiri boiynsha qabyldanady.
«AMANAT» partiiasy Respýblikalyq qoǵamdyq qabyldaý bólmesiniń aqparatyna sáikes, jer máselelerine qatysty ótinishterdiń basym kópshiligi Túrkistan (53,1%), Shyǵys Qazaqstan (17%), Aqmola (8,3%) jáne Pavlodar (8,3%) oblystarynyń turǵyndarynan kelip tústi.
Aita ketý kerek, «Jer amanaty» komissiiasy jumysynyń nátijesinde memleket menshigine elimiz boiynsha 293,2 myń gektar jaiylym jer qaitaryldy.
Atap aitqanda, Qaraǵandy oblysynda – 82 myń ga, Qostanai oblysynda – 67,1 myń ga, Jambyl oblysynda – 46,3 myń ga, Jetisý oblysynda – 41,9 myń ga, Aqtóbe oblysynda – 20 myń ga, Túrkistan oblysynda – 17 myń ga, Soltústik Qazaqstan oblysynda – 18,9 myń ga.
«Jer amanaty» komissiiasynyń jumysy jalǵasýda.
